Chempıondar lıgasy: «Benfıka» men «Chelsı» shırek fınalǵa shyqty
ASTANA. QazAqparat - UEFA Chempıondar lıgasy 1/4 fınalyna shyqqan alǵashqy eki komanda anyqtaldy, dep habarlaıdy QazAqparat tilshisi.
Mundaı múmkindikke Portýgalııanyń «Benfıka» jáne Anglııanyń «Chelsı» komandalary ıe boldy.
7 naýryzdan 8-ne qaraǵan túni ótkizilgen eki oıynnyń birinde Portýgalııanyń «Benfıka» jáne Belgııanyń «Brıýgge» komandalary kezdesti.
Oıyn barysynda portýgalııalyq klýb qarsylasynan 5:0 esebimen basym tústi.
Eki komanda arasynda 15 aqpanda ótken alǵashqy kezdesýde portýgalııalyq fýtbolshylar 2:0 esebimen jeńgen edi.
Sondaı-aq, taǵy bir kezdesýde Anglııanyń «Chelsı» komandasy óz alańynda Germanııanyń «Borýssııa Dortmýnd» klýbyn qabyldady. Alǵashqy kezdesýde 1:0 esebimen germanııalyq klýbtyń mereıi ústem boldy.
Búgin anglııalyq klýb 2:0 esebimen jeńiske jetti.
Endi 8 naýryzdan 9-na qaraǵan túni «Tottenhem Hotspýrs» (Anglııa) men «Mılan» (Italııa), «Bavarııa» (Germanııa) «Parı Sen-Jermen» (Frantsııa) taǵy eki joldamany sarapqa salady..
Al 14 naýryzda «Portý» (Portýgalııa) men «Inter» (Italııa), «Manchester Sıtı» (Anglııa) men «RB Leıptsıg» (Germanııa), 15 naýryzda «Napolı» (Italııa) men «Aıntraht» (Germanııa), «Real Madrıd» (Ispanııa) men «Lıverpýl» (Anglııa) oınaıdy.
Eske salsaq, budan buryn Qazaqstan quramasynyń Eýropa chempıonaty irikteý satysyndaǵy aldaǵy eki oıynyna keńeıtilgen tizimi jarııalandy.
