Chempıondar lıgasy: «Bavarııa» men «Parı Sen-Jermen» komandalary kezdesedi

ASTANA. QazAqparat - UEFA Chempıondar lıgasy 1/8 fınalynda 8 naýryzdan 9-ne qaraǵan túni qarymta taǵy eki oıyn ótkiziledi, dep habarlaıdy QazAqparat tilshisi.

Eki oıynnyń birinde Anglııanyń «Tottenhem Hotspýrs» jáne Italııanyń «Mılan» komandalary sheberlik baıqasady.

Kezdesý elorda ýaqytymen 1.50-de bastalyp, «Qazaqstan» telearnasynan tikeleı efırde kórsetiledi.

Eki komanda buǵan deıin jeti márte kezdesti. Onyń tórteýinde anglııalyq, bireýinde ıtalııalyq fýtbolshylar jeńiske jetti. Eki oıynda teń nátıje tirkeldi.

Jarystyń atalǵan satysyndaǵy alǵashqy kezdesýde «Mılan» 1:0 esebimen basym tústi.

Sondaı-aq, taǵy bir kezdesýde Germanııanyń «Bavarııa» komandasy óz alańynda Frantsııanyń «Parı Sen-Jermen» klýbyn qabyldaıdy.

Kezdesý elorda ýaqytymen 1.50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin on úsh márte kezdesti. Onyń jeteýinde germanııalyq, altyaýynda frantsııalyq klýbtyń mereıi ústem boldy.

1/8 fınalyndaǵy alǵashqy kezdesýde «Bavarııa» atalǵan qarsylasyn 1:0 esebimen tize búktirdi.

Eske salsaq, budan buryn «Benfıka» men «Chelsı» shırek fınalǵa shyqty.