Chempıondar lıgasy: «Bavarııa» eki oıynda on gol soqty

Oıyndar A, B, C, D toptarynda ótkizildi. Bul týrda da A tobynda synǵa túsip jatqan Ispanııanyń «Real» komandasy taǵy da óz jankúıerlerin qýanta almady. Ispandyq ataqty klýb eki týrda nebári bir-aq upaıǵa qol jetkizdi. Búgin olar Belgııanyń «Brıýgge» komandasyna ese jiberip qoıa jazdady. Birinshi kezezńde belgııalyq klýb sapynan Emmanýel Dennıs 11 jáne 39-mınýttarda qos goldyń avtory atandy. «Real» sapynan oǵan 55-mınýtta Serhıo Ramos bir golmen jaýap berse, 85-mınýtta Kazemıro tarazy basyn teńestirdi. Nátıjesinde eki komanda 2:2 esebine qanaǵat bildirip tarasty. Birinshi týrda «Real» syrt alańda Frantsııanyń PSJ komandasynan 0:3 esebimen jeńilip qalǵan bolatyn. Osylaısha «Real» eki týrdan keıin nebári bir ǵana upaı jınap, týrnır kestesinde kósh sońynda tur. Atalmysh toptaǵy Túrkııanyń «Galatasaraı» jáne Frantsııanyń PSJ komandalary arasyndaǵy kezdesýde gol 52-mınýtta soǵyldy. Ony Maýro Ikardı óziniń enshisine jazdy. Oıyn 1:0 esebimen PSJ komandasynyń jeńisimen aıaqtaldy.

Bul týrdaǵy taǵy bir tartysty kezdesý V tobyndaǵy Anglııanyń «Tottenhem Hotspýrs» jáne Germanııanyń «Bavarııa» komandalary arasynda ótti. Atalmysh oıyn kóp gol soǵylýymen erekshelendi. Esepti alań ıeleri sapynan Son Hyn Mın 12-mınýtta ashqan bolatyn. Degenmen odan keıin «Bavarııa» fýtbolshylary qatarynan tórt gol soqty. Aldymen 13-mınýtta Iozýa Kımmıh tarazy basyn teńestirse, 45-mınýtta Robert Levandovskı óz komandasyn alǵa shyǵardy. Al 53 jáne 55-mınýttarda Serj Gnabrı qos gol soǵyp ketti. «Tottenhem Hotspýrs» shabýylshysy Garrı Keın penaltıden esep aıyrmasyn qysqartqan edi. Degenmen budan keıin «Bavarııa» sapynan 82-mınýtta Serj Gnabrı mergendik tanytty. Al 87-mınýtta Robert Levandovskı mergendigimen tanylsa, 88-mınýtta Serj Gnabrı pokerdiń avtory atandy. Osylaısha «Bavarııa» 7:2 esebimen jeńiske jetti. Nemis fýtbolshylary eki oıynda on gol soǵyp otyr.

Atalmysh toptaǵy taǵy bir kezdesý Serbııanyń «Tsrvena zvezda» jáne Grekııanyń «Olımpıakos» komandalary arasynda ótti. «Olımpıakos» sapynan 37-mınýtta Rýben Semedı esep ashsa, oǵan «Tsrvena zvezda» qatarynan 62-mınýtta Mılosh Výlıch bir golmen jaýap qaıyrdy. Al 87-mınýtta serb fýtbolshysy Nemanıa Mılýnovıch óz komandasyn alǵa shyǵarsa, onyń komandalas áriptesi Rıchmond Boake qorytyndy esepti belgiledi. Esep 3:1. «Tsrvena zvezda» úsh upaıdy oljalady.

Al S tobynda Ýkraınanyń «Shahteri» syrt alańda Italııanyń «Atalanta» klýbyn 2:1 esebimen tize búktirdi. Oıynda «Atalanta» sapynan Dývan Salata 28-mınýtta esep ashsa, «Shahter» sapynan Jýnıor Moraes 41-mınýtta tarazy basyn teńestirdi. Al ýkraınalyq klýb sapynan Monor Salomon 95-mınýtta jeńis golyn soǵyp ketti.

Bul toptaǵy Anglııanyń «Manchester sıtı» jáne Serbııanyń «Dınamo» (Zagreb) klýby arasynda aǵylshyndar sapynan 66-mınýtta Rahım Sterlıng esep ashty. Al 95-mınýtta aǵylshyn fýtbolshysy Fılıp Foden esepti ulǵaıta tústi. Oıynda «Manchester sıtı» 2:0 esebimen jeńiske jetti.

D tobynda Reseıdiń «Lokomotıvi» óz alańynda Ispanııanyń «Atletıko Madrıd» komandasymen kezdesti. Bul oıynda ıspandyq klýb sapynan 48-mınýtta Joaý Felısh 48-mınýtta esep ashsa, 58-mınýtta Tomas Partı esepti ulǵaıta tústi. Reseılik klýb qarsylasyna 0:2 esebimen ese jiberdi.

Osy toptaǵy Italııanyń «ıÝventýsy» óz alańynda Germanııanyń «Baıerin» 3:0 esebimen oısyrata jeńdi. Italıandyqtar sapynan Gonsalo Iýaın 17, Federıko Berardskı 61, Krıshtıaný Ronaldý 88-mınýtta mergendik kórsetti.

Chempıondar lıgasynda búgin, 2 qazanda qalǵan tórt topta oıyndar ótkiziledi.