Chempıondar lıgasy: «Bavarııa» byltyrǵy jetistigin qaıtalaı ma
NUR-SULTAN. QazAqparat - Búgin UEFA Chempıondar lıgasy 1/8 fınalynda taǵy eki oıyn ótkiziledi, dep habarlaıdy QazAqparat tilshisi.
Aıta keteıik, budan buryn týrnırdiń atalǵan satysynda tórt komanda ózara alǵashqy kezdesýin ótkizip úlgerdi. Máselen, 16 aqpanda syrt alańda «Lıverpýl» «Leıptsıgti» 2:0, «Parı Sen-Jermen» «Barselonany» 4:1 esebimen jeńdi.
Al 17 aqpanda óz alańynda «Portý» «ıÝventýsten» 2:1 esebimen basym tússe, «Sevılıa» «Borýssııa Dortmýnd» klýbyna 2:3 esebimen ese jiberdi.
Búgingi kezdesýdiń birinde «Latsıo» (Italııa) men «Bavarııa» (Germanııa) komandalary sheberlik baıqasady. Oıyn elorda ýaqytymen 01.50-de bastalyp, «Qazaqstan» telearnasynan tikeleı efırde kórsetiledi.
Eki komanda buǵan deıin Chempıondar lıgasynda birde-bir márte kezdesken emes.
Aıta keteıik, «Bavarııa» byltyr atalǵan týrnırde chempıon atanǵan bolatyn. Bıyl sol jetistigin qaıtalaı ala ma?
«Latsıo» sapynan jaraqat alǵan eshkim joq, barlyǵynyń aldaǵy oıynǵa qatysýyna múmkindigi bar. Al «Bavarııa» sapynan jaraqat saldarynan búgin jasyl alańǵa shyqpaıtyndar sany biraz. Olardyń qatarynda Tangı Kýassı, Tomas Mıýller, Leon Goretska, Serj Gnabrı, Aleksandr Nıýbel, Korentın Tolısso, Benjamen Pavar men Dýglas Kosta syndy fýtbolshylar bar.
Ekinshi kezdesýde «Atletıko Madrıd» (Ispanııa) men «Chelsı» (Anglııa) komandalary oınaıdy. Oıyn elorda ýaqytymen 01.50-de bastalyp, «Qazsport» telearnasynan tikeleı efırde kórsetiledi.
Eki komanda atalǵan týrnırde buǵan deıin 7 márte kezdesti. Búgingi qarsylastar eki-eki márteden bir-birin qapy qaldyrsa, úsh oıynda teń nátıje tirkeldi.
Komanda quramynda jaraqat alǵan fýtbolshylar bar. «Atletıko Madrıd» quramynan Ektor Errera, ıAnnık Karrasko, Shıme Vrsalko jasyl alańǵa shyǵýdan shet qalsa, «Chelsı» sapynan Krıstıan Pýlıshıch, Tıago Sılva, Kaı Haverts búgingi oıynnan tys qalyp otyr.
