Chempıondar lıgasy: «Bavarııa» Anglııada «Chelsı» komandasyn oısyrata jeńdi
NUR-SULTAN. QazAqparat - Búgin UEFA Chempıondar lıgasy 1/8 fınaldyq satysynyń alǵashqy oıyndary boldy, dep habarlaıdy QazAqparat tilshisi.
Anglııanyń «Chelsı» komandasy óz alańynda Germanııanyń «Bavarııa» komandasyn qabyldady. Eki klýb ta jeńiske jetý jolynda tynbaı ter tókti. Birinshi kezeń olardyń alma-kezek shabýylymen órbidi. Dese de bir-biriniń qaqpasynan sańylaý taba alǵan joq.
Ekinshi kezeńniń 51, 53 mınýttarynda «Bavarııa» oıynshysy Serj Gnabrı qos goldyń avtory atandy. Al oıynnyń 76-mınýtynda onyń komanlas áriptesi Robert Levandovskı esepti ulǵaıtty. «Bavarııa» 3:0 esebimen jeńiske jetti.
Italııanyń «Napolı» klýby Neapol qalasynda Ispanııanyń «Barselona» komandasymen sheberlik baıqasty. Italıandyq fýtbolshylar azýly qarsylasynyń yǵyna jyǵyla qoıǵan joq. «Barselona» qaqpasy mańynda jıi boı kórsetti. Nátıjesinde 30-mınýtta «Napolı» oıynshysy Drıs Mertens mergendik tanytty. Budan keıin qos komanda tarapynan esepti ózgertetin birneshe múmkindik bolǵan edi. Degenmen birinshi kezeńde tablodaǵy esep sol kúıinshe ózgerissiz qaldy. Ekinshi kezeńniń 57-mınýtynda «Barselona» shabýylshysy Antýan Grızmann tarazy basyn teńestirdi. Oıyn 1:1 esebimen teń aıaqtaldy.
Búgingi eki kezdesýdiń de qarymta oıyndary 18 naýryzda bolady.
Bir apta buryn jarystyń atalǵan satysyndaǵy tórt kezdesý ótkizildi. Onda óz alańynda Germanııanyń «Borýssııa Dortmýndy» Frantsııanyń PSJ klýbyn 2:1, Ispanııanyń «Atletıko Madrıdi» Anglııanyń «Lıverpýlin» 1:0, Italııanyń «Atalantasy» Ispanııanyń «Valensııasyn» 4:1 esebimen jeńse, Anglııanyń «Tottenhem Hotspýr» klýby Gremanııanyń «Leıptsıgine» 0:1 esebimen ese jiberdi.
Endi jarystyń atalmysh satysynda taǵy da eki oıyn ótkiziledi. 27 aqpanda óz alańynda Ispanııanyń «Real Madrıdi» Anglııanyń «Manchester Sıtı» klýbyn, Frantsııanyń «Lıony» Italııanyń «ıÝventýsyn» qabyldaıdy.
