Chempıondar lıgasy: «Barselona» úshinshi ret jeńiske jetti
NUR-SULTAN. QazAqparat - Búgin UEFA Chempıondar lıgasy toptyq kezeńindegi úshinshi týrdyń ekinshi oıyn kúni ótkizildi, dep habarlaıdy QazAqparat tilshisi.
Búgingi oıyndar E, F, G, H toptarynda ótkizildi. Jankúıerler negizinen «Chelsı», «Barselona», «Manchester ıÝnaıted» sekildi klýbtardyń kezekti oıyndaryna kóz tikti.
Anglııanyń «Chelsıi» E tobynda kósh basynda keledi. Londondyq klýb bul joly Frantsııanyń «Renn» komandasynan 3:0 esebimen basym tústi. Atalǵan topta Reseıdiń «Krasnodary» Ispanııada «Sevılıadan» 2:3 esebimen jeńilip qaldy.
F tobynda Reseıdiń «Zenıti» óz alańynda Italııanyń «Latsıo» klýbymen 1:1 esebimen teń oınady. Germanııanyń «Borýssııa» (Dortmýnd) komandasy syrt alańda Belgııanyń «Brıýggesin» 3:0 esebimen súrindirdi.
G tobynda birinshi orynda kele jatqan Ispanııanyń «Barselona» klýby bul joly óz alańynda Ýkraınanyń «Dınamo» (Kıev) komandasynan 2:1 esebimen basym tústi. Osy topta Italııanyń «ıÝventýsy» Vengrııada jergilikti «Ferentsvaroshty» 4:1 esebimen jeńdi.
H tobynda baq synap jatqan Anglııanyń «Manchester ıÝnaıted» oılamaǵan jerden Túrkııanyń «Istanbýl Bashakshehır» klýbynan 1:2 esebimen jeńilip qaldy. Bul toptaǵy taǵy bir kezdesýde Germanııanyń «Leıptsıg» klýby Frantsııanyń «Parı Sen-Jermenin» 2:1 esebimen tize búktirdi.
Endi tórtinshi týr oıyndary 24 jáne 25 qarasha kúnderi ótkiziledi.
