Chempıondar lıgasy: «Barselona» PSJ-ǵa 6 gol salyp shırek fınalǵa shyqty
ASTANA. QazAqparat - Sanaýly sátter buryn Chempıondar lıgasynyń shırek fınalyna shyqqan taǵy eki komanda anyqtaldy, dep habarlaıdy QazAqparat.
Ispandyq «Barselona» 1/8 fınaly aıasyndaǵy qarymta kezdesýde frantsııalyq PSJ-ny 6:1 esebimen tize búktirdi.
Úziliske deıin katalondyqtar 2 gol salyp úlgerdi. 3-shi mınýtta Sýares esep ashqan. Al 40-mınýtta Inesta baǵyttaǵan dopty óz qaqpasyna PSJ oıynshysy Leven Kýrzava salyp aldy.
Ekinshi taımda «Barselona» taǵy 4 gol saldy. 50-shi mınýtta Lıonel Messı penaltıdi golǵa ulastyra bildi. Oǵan PSJ forvard Edınson Kavanıdiń golymen jaýap qaıtara alǵan. Alaıda bul frantsýzdardyń qarymta kezdesýde salǵan jalǵyz goly bolyp qaldy.
Oıynnyń sońynda Neımar jankúıerlerin qýantty. 88-mınýtta gol salyp, 90-mınýtta penaltıdi sátti oryndady. Al jeńis golyn Serdjı Roberto saldy.
Eske sala keteıik, alǵashqy oıynda «Barselona» PSJ-dan ońbaı jeńilgen (4:0) edi. Biraq eki oıynnyń qorytyndysy boıynsha jalpy esep 6:5 - "Barselona" kelesi kezeńge ótti.
Paralel ótken oıynda nemistiń "Borýssııasy" óz alańynda portýgalııalyq "Benfıkany" 4:0 esebimen jeńdi. Bul eki komandanyń alǵashqy oıynynda «Benfıka» 1:0 esebimen jeńgen bolatyn. Bul juptan kelesi kezeńge jalpy 4:1 esebimen «Borýssııa» ótip otyr.
Aıta keteıik, keshe ıspandyq «Real Madrıd» ıtalııalyq «Napolıdi» (3:1 jáne 3:1), nemistiń «Bavarııasy» aǵylshynnyń «Arsenalyn» (5:1 jáne 5:1) jeńip, shırek fınalǵa shyqqan edi.
ChL 1/8 fınaly aıasynda kelesi oıyndar naýryzdyń 14-inen 15-ine qaraǵan túni ótedi. Italııalyq "ıÝventýs" óz alańynda "Portýdy" qabyldaıdy. Al aǵylshynnyń «Lester» komandasy ıspandyq "Sevılıa" komandasymen kezdesedi. Qos oıyn da Astana ýaqytymen 1:45-te bastalady.
