Chempıondar lıgasy: «Barselona» óz alańynda «Interdi» jeńdi
NUR-SULTAN. QazAqparat – Búgin fýtboldan Eýropa chempıondar lıgasy toptyq kezeńiniń 2-týr oıyndary aıaqtaldy, dep habarlaıdy QazAqparat tilshisi.
Týrdyń ortalyq matchynda F tobynda Ispanııanyń «Barselona» komandasy Italııanyń «Interin» qabyldady. Oıynnyń alǵashqy mınýttarynda qonaqtar kútpegen jerden gol soǵyp, esep ashty. Óz jankúıerleriniń kóz aldynda abyroıy tógilgenin qalamaǵan Ernesto Valverde shákirtteri jaǵdaıdy retteýge tyrysyp baqty. Biraq 1-taımda mılandyqtardyń qorǵanysy syr bergen joq.
58-mınýtta Artýro Vıdaldyń pasynan keıin Lýıs Sýares alys buryshqa dál teýip, esepti teńestirdi. Ýrýgvaılyq shabýylshy 84-mınýtta Lıonel Messıdiń pasynan keıin ekinshi golyn soǵyp, komandasyna jeńis syılady. «Barselona» eki oıynda 4 upaı jınap, óz tobynda 2-orynǵa kóterildi.
F tobynyń oǵan deıin ótken taǵy bir matchynda «Borýssııa Dortmýnd» Chehııanyń «Slavııa» komandasyn 2:0 esebimen jeńip, kesteniń tórine shyǵyp alǵan bolatyn.
2-týrdyń búgin ótken basqa matchtarynda mynadaı esep tirkeldi:
Genk – Napolı 0:0
Lıverpýl – Red Býll 4:3
Lıll – Chelsı 1:2
Zenıt – Benfıka 3:1
Valensııa – Aıaks 0:3
Rb Leıptsıg – Lıon 0:2
