Chempıondar lıgasy: «Astananyń» «Dınamoǵa» áli kelmedi
ASTANA. QazAqparat - Búgin, 14 tamyzda Horvatııa astanasy - Zagreb qalasynda elordalyq «Astana» jergilikti «Dınamo» komandasymen fýtboldan Chempıondar lıgasy úshinshi irikteý kezeńinde qarymta oıyn ótkizdi. Kezdesýde «Dınamo» «Astanadan» 1:0 esebimen basym tústi, dep habarlaıdy QazAqparat tilshisi.
Qos komandanyń alǵashqy kezdesýi apta buryn Astana qalasynda ótti. Atalmysh oıynda horvattar jaýapsyz eki gol soqty. Osynyń nátıjesinde olar jarysty jalǵastyrý múmkindigin arttyra tústi. Óıtkeni, «Astana» pleı-off kezeńine shyǵý úshin kem degende úsh dop aıyrmasymen jeńiske jetýi tıis. «Dınamo» yńǵaıǵa jyǵyla qoıa ma? Alǵashqy kezdesýde áleýeti qandaı ekenin ańǵartyp qoıdy. Sol sebepti qarymta kezdesý «Astana» úshin ońaıǵa soqpaıtyny belgili edi.
Birinshi kezdesýden keıin «Astana» bas bapkeri Roman Grıgorchýk komanda quramyna birqatar ózgerister engizdi. Alǵan jaraqatyna baılanysty qorǵaýshy Marın Anıchıch Horvatııaǵa kelgen joq. Ótken týrda alǵashqy mınýttan negizgi quramda shyqqan Djýnıor Kabananga men Serikjan Mujyqov bul joly qosalqy quramda boldy. Ýkraınalyq bapker birinshi mınýttan Nenad Erıch, Sergeı Malyı, Evgenıı Postnıkov, Dmıtrıı Shomko, Antonıo Rýkavına, Laslo Klıaınhaısler, Pedro Enrıke, Marın Tomasov, Ivan Maevskıı, Rıchard Almeıda, Rangelo ıAnga sekildi fýtbolshylardy jasyl alańǵa shyǵardy. Al «Dınamo» quramynda Danıel Zagorats, Arııan Ademı, Danıel Olmo, Izet Haırovıch, Marıo Býdımır, Amer Goıak, Marın Leovats, Kevın Teofıl-Katren, Petar Stoıanovıch, Emır Dılaver, Mıslav Orshıch shyqty.
Alań ıeleri birden qonaqtarǵa oıyn tizginin berýge nıeti joq ekenin ańǵartty. «Astana» fýtbolshylary da shabýylǵa shyqty. Dese de «Dınamo» gol soǵý múmkindigin izdedi. Tipti, olardyń tepken doptaryn bizdiń qaqpashy Nenad Erıch áreń syrtqa shyǵarǵan sáti de kezdesti. Al 18-mınýtta Pedro Enrıke qaqpaǵa dop baǵyttaǵan edi. Ol qaqpadan qıys ketti. Oıynnyń 28-mınýtynda «Astana» shabýyldy údete túskenimen, odan eshbir nátıje bola qoıǵan joq.
Ekinshi kezeńde Pedro Enrıke sol qanattan qaqpashymen betpe-bet shyqqan edi. Sol aıaǵymen shirene tepken dobyn «Dınamo» qaqpashysy eshbir saspastan qaqshyp aldy. Al 67-mınýtta Ivan Maevskııdiń alystan tepken dobyn qaqpashy zorǵa shyǵaryp úlgerdi. «Dınamo» joldama taǵdyryn Marıo Gavranovıch sheshti deýge bolady. Bul 74-mınýt bolatyn. Esep 1:0. «Dınamo» jeńiske jetti.
«Astana» endi Eýropa lıgasynyń pleı-off satysyna oınaıdy. Ol oıyndar 23 jáne 30 tamyz kúnderi bolady. Al «Dınamo» Chempındar lıgasy pleı-off satysynda Shveıtsarııanyń «ıAng Boız» klýbymen 22 jáne 29 tamyz kúnderi kezdesedi.
Esterińizge sala ketelik, «Astana» alǵashqy irikteý kezeńinde óz alańynda Chernogorııanyń «Sýteskasyn» 1:0 esebimen jeńip , syrt alańda 2:0 esebimen basym tústi. Odan keıin ekinshi irikteý kezeńinde olar Danııanyń «Mıdtıýlland» klýbyn (2:1, 0:0) tize búktirdi .
Endi 16 tamyzda Eýropa lıgasy úshinshi irikteý kezeńiniń qarymta oıyndary bolady. Atalmysh básekege qatysyp jatqan Almatynyń «Qaıraty» óz alańynda Chehııanyń «Sıgma» komandasyn qabyldaıdy. Alǵashqy kezdesýde chehtar 2:0 esebimen basym túsken edi.
