Chempıondar lıgasy: «Astana» jankúıerlerin taǵy da qýanta ala ma
ASTANA. QazAqparat - Búgin, 11 shilde kúni fýtboldan Chempıondar lıgasynyń birinshi irikteý kezeńi bastalady. Bul kúni elordanyń «Astana» klýby óz alańynda Chernogorııanyń Nıkshıch qalasynyń «Sýteska» klýbyn qabyldaıdy, dep habarlaıdy QazAqparat tilshisi.
«Sýteska» klýbynyń 90 jyldan astam tarıhy bar. 1945 jyldan bastap qazirgi ataýymen jankúıerlerge jaqsy tanys. Sýteska aımaǵyn qorǵaýǵa belsene atsalysqan ıÝgoslavııa partızandarynyń qurmetine osylaı atalǵan. Komanda ıÝgoslavııanyń birinshi lıgasynda alǵash ret 1964 jyly oıyn kórsetti. Chernogorııa aımaǵynan synǵa túsken 2 komandanyń biri boldy. Nátıjesinde atalmysh klýb halyqaralyq deńgeıde tájirıbe jınap, Eýropa qurlyǵynda jaqsy abyroıǵa qol jetkizdi. ıÝgoslavııa taraǵannan keıin komanda ıÝgoslavııa Respýblıkalar odaǵy birinshiliginde synǵa tústi.
2002 jyly Intertoto kýbogynda baq synaýǵa múmkindik aldy. Olar ekinshi kezeńge deıin shyqty. Aldymen Lıýksembýrgtiń «Rasıngin» (3:0, 1:1) orta jolda qaldyryp, odan keıin Fınlıandııanyń «Tampere ıÝnaıtedinen» (0:0, 0:1) qalyp qoıdy. 2009 jyly Eýropa lıgasynyń birinshi irikteý kezeńinde Belarýstiń «Partızanyna» (1:1, 1:2, qosymsha kezeń) jol berip qoıdy. 2013, 2014 jyldarda Chempıondar lıgasynda baq synaǵan olar eki jylda Moldovanyń «Sherıfine» qarsylyq kórsete almady. Al 2015, 2017 jyldarda olar Eýropa lıgasynda oınady. 2015 jyly Vengrııanyń «Debretseninen» 0:2, 0:3 esebimen jeńilse, 2017 jyly Bolgarııanyń «Levskı» klýbyna (0:0, 1:3) jol berdi.
«Astana» klýbynyń búginge deıingi jetistigi kóz aldymyzda. Elordalyq klýb 2013 jyldan beri eýrokýbok oıyndaryna turaqty qatysyp keledi. 2013 jyly Eýropa lıgasynda synǵa túsken astanalyq klýb Bolgarııanyń «Botev» (Plovdıv) klýbynan aınalyp óte alǵan joq. Óz alańynda 0:1 esebimen qarsylastaryna jol bergen olar syrt alańda 0:5 esebimen oısyraı utyldy. 2014 jyly «Astana» Eýropa lıgasynyń pleı-off kezeńine jetip súrindi. 2015 jyly bizdiń klýb aıdy aspanǵa bir-aq shyǵaryp, Chempıondar lıgasynyń toptyq kezeńinde oınady. 2016, 2017 jyldarda olar aldymen Chempıondar lıgasynyń pleı-off kezeńine deıin jetip, osynyń nátıjesinde Eýropa lıgasy toptyq kezeńinde synǵa túsý múmkindigin jeńip aldy. Byltyr Eýropa lıgasynyń toptyq kezeńinde ekinshi oryn alyp, jarystyń pleı-off kezeńinde Portýgalııanyń «Sportıng» klýbymen sheberlik baıqasqanyn jankúıerler jaqsy biledi.
Bul oıyn búgin, 11 shildede elordadaǵy «Astana-arena» stadıonynda ótedi. Kezdesý «Qazsport» telearnasynan saǵat 19.50-de tikeleı efırde kórsetiledi.
Keshe, 10 shildede Eýropa lıgasy birinshi irikteý kezeńinde Qostanaıdyń «Tobyly» syrt alańda Grýzııanyń «Samtredıa» klýbyn 1:0 esebimen jeńip qaıtty. «Tobyl» eýrokýbok oıyndaryna birneshe jyl úzilisten keıin qaıta oralyp otyr.
Sondaı-aq, Eýropa lıgasynda elimizdiń atynan synǵa túsetin Almatynyń «Qaıraty» Andorranyń «Engordan», Pavlodardyń «Ertisi» Lıtvanyń «Trakaı» klýbtarymen 12 shildede syrt alańda kezdesedi.
