Chempıondar lıgasy: «Astana» pleı-off kezeńine shyǵa ala ma
ASTANA. QazAqparat - Búgin, 14 tamyzda fýtboldan Chempıondar lıgasy úshinshi irikteý kezeńinde elordalyq «Astana» syrt alańda Horvatııanyń Zagreb qalasynyń «Dınamo» komandasymen qarymta oıyn ótkizedi, dep habarlaıdy QazAqparat tilshisi.
Astanada ótken alǵashqy kezdesýde horvat fýtbolshylary 2:0 esebimen jeńiske jetken edi. Bul «Astananyń» jarystyń kelesi kezeńine shyǵý múmkindigin qıyndata tústi. Dese de áli bir kezdesý bar. Fýtbolda barlyq jaǵdaı bola beredi. Elordalyq klýb jigitteri namysqa tyryssa, bul oıynda jeńiske jetýge bolady. «Astananyń» bas bapkeri Roman Grıgorchýk te dál osyndaı pikirdi kóldeneń tartyp otyr. Ol búgingi kezdesýde bizdiń jigitteri jeńiske jetýge bar kúshin salatynyn aıtty.
Apta ishinde «Astana» eshqandaı oıyn ótkizgen joq. Olar el birinshiligindegi 22-týrǵa qatyspady. Bul týrdaǵy oıynyn «Astana» 23 mamyrda syrt alańda «Aqjaıyqpen» ótkizip, onda 0:3 esebimen jeńilip qalǵan edi. Apta boıy demalys alǵan elordalyq fýtbolshylar endi Chempıondar lıgasy úshinshi irikteý kezeńinde ózine nátıjege qol jetkizedi degen oıdamyz.
Ras, «Dınamo» ońaı qarsylas emes. Horvat klýby Chempıondar lıgasy toptyq kezeńinde birneshe márte baq synaǵan. Árıne, ázirge úlken tabysqa qol jetkize qoıǵan joq. Dese de jınaǵan tájirıbesi az emes. Elordada ótken kezdesýde sol tájirıbesiniń arqasynda jeńiske jetti.
«Astana» búgin Chempıondar lıgasyndaǵy 28 oıynyn ótkizedi. Bizdiń jigitter olardyń arasynan 10-da jeńiske jetse, 10 márte teń túsip, 7-eýinde jeńilgen eken. Onyń ishinde eki márte ǵana syrt alańda úsh upaıdy oljalap qaıtty. 2017 jyldyń 12 shildesinde Latvııanyń ıÝrmala qalasynyń «Spartak» komandasyn syrt alańda 1:0 esebimen tize búktirdi. Odan keıin bıylǵy jyldyń 18 shildesinde Chernogorııada «Sýteska» klýbynan 2:0 esebimen basym tústi. Bul joly qalaı bolady? «Dınamo» bizdiń yńǵaıǵa kóne qoıa ma? Al horvat klýbynyń Chempıondar lıgasynda ótkizgen oıyndary «Astanadan» áldeqaıda kóp. Búginge deıin 115 kezdesý ótkizgen «Dınamo» 48 márte jeńiske jetip, 21 márte teń oınasa, 46 ret qarsylasyna ese jiberdi. Sońǵy márte olar 2016 jyldyń 22 qarashasynda atalmysh dodanyń toptyq kezeńinde Frantsııanyń «Lıon» klýbynan 0:1 esebimen súringen edi.
«Astana» Chempıondar lıgasynyń pleı-off kezeńine shyqqan jaǵdaıda Shveıtsarııanyń «ıAng Boız» klýbymen kezdesedi. Bul oıyndar 22 jáne 29 tamyz kúnderi ótedi. Eger elordalyq klýb atalmysh qarsylasynan jeńilse, Eýropa lıgasynyń pleı-off satysyna joldama alady. Ol oıyndar 23 jáne 30 tamyz kúnderi bolady.
Esterińizge sala ketelik, «Astana» alǵashqy irikteý kezeńinde óz alańynda Chernogorııanyń «Sýteskasyn» 1:0 esebimen jeńip, syrt alańda 2:0 esebimen basym tústi. Odan keıin ekinshi irikteý kezeńinde olar Danııanyń «Mıdtıýlland» klýbyn (2:1, 0:0) tize búktirdi.
«Astana» men «Dınamo» arasyndaǵy kezdesý búgin, 14 tamyzda saǵat 00.00-de bastalady. Bul oıyn «Qazsport» telearnasynan kórsetiledi.
Foto: www.fcastana.kz
