Chempıondar lıgasy: «Astana» men «Spartak» arasyndaǵy oıyn teń ótýde
ASTANA. QazAqparat - Elordanyń «Astana Arena» stadıonynda Chempıondar lıgasynyń ekinshi irikteý kezeńindegi «Astana» - «Spartak» arasyndaǵy qarymta kezdesý ótýde, dep habarlaıdy QazAqparat.
Qazaq eliniń tórinde ótip jatqan teńbil dop dodasynyń bas qazysy - grekııalyq Haralambos Kalogeropýlos.
Aıta keterligi bul fýtbol mamany Eýrokýbok kezdesýlerinde 2015 jyldan beri qazylyq etip kele jatyr. Al Haralambos Kalogeropýlostyń kómekshileri - Trıfon Petropýlos pen Aleksandros Grevınıs. Qosymsha tóreshi qyzmetinde - Praksıtelıs Zaharıadıs.
Esterińizde bolsa, eki komanda arasyndaǵy alǵashqy kezdesýde «Astana» komandasy qarsylastarynyń qaqpasyna bir gol soǵyp, jeńiske jetken bolatyn.
Aıta keterligi, bul kezeńde jeńiske jetip, úshinshi irikteý satysyna ótken komanda polshalyq Legııa men fınlıandııalyq Marıehamn arasyndaǵy kezdesýdiń jeńimpazymen jasyl alańda kezdesetin bolady. Bul eki komanda erteń baq synaıtyn bolady.
