Chempıondar lıgasy: «Astana» men «Dınamo Zagreb» kezdesýine tóreshiler belgilendi
ASTANA. QazAqparat - Elordalyq «Astana» klýbynyń fýtboldan UEFA Chempıondar lıgasy ekinshi irikteý satysyndaǵy qarymta oıynyna tóreshiler belgilendi, dep habarlaıdy QazAqparat tilshisi.
Chempıondar lıgasy ekinshi irikteý satysynda elordalyq «Astana» óz alańynda Horvatııanyń «Dınamo Zagreb» komandasyn qabyldaıdy.
Kezdesý «Astana-Arena» stadıonynda 2 tamyzda 20:00-ge belgilengen.
Oıynǵa Nıderland elinen kelgen Dennıs Hıgler bas tóreshi bolady. Oǵan otandastary Rogır Honıg men Roı de Nac kómekshilik jasaıdy. Qosalqy tóreshi de sol eldiń ókili Djoýı Koeı.
Aıta ketsek, ekinshi irikteý satysyndaǵy alǵashqy kezdesýde «Astana» qarsylasyna 0:4 esebimen jol berdi.
Jeńimpaz ujym úshinshi irikteý satysynda Grekııanyń AEK komandasymen sheberlik baıqasady. Oıyn 9 jáne 15 tamyz kúnderi bolady.
Al birinshi irikteý satysynda elordalyq Birinshi irikteý satysynda elordalyq klýb grýzııalyq «Dınamo Tbılısı» komandasyn (2:1, 0:0) orta jolda qaldyrdy.
