Chempıondar lıgasy: «Astana» komandasynyń yqtımal qarsylastary anyqtaldy

ASTANA. QazAqparat - Elordalyq «Astana» komandasynyń fýtboldan UEFA Chempıondar lıgasyndaǵy yqtımal qarsylastary anyqtaldy, dep habarlaıdy QazAqparat tilshisi.

20 maýsymda UEFA Chempıondar lıgasy birinshi jáne ekinshi irikteý satysynyń jerebesi tartylady. El chempıony - «Astana» jarys jolyn birinshi irikteý satysynan bastaıdy.

Elordalyq klýbtyń atalǵan jarystaǵy yqtımal qarsylastary qatarynda «Lınkoln Red Imps» (Gıbraltar), «KI Klaksvık» (Farer araldary), «Dınamo» (Tbılısı, Grýzııa), «Rakýv» (Polsha), «Partızanı» (Albanııa), «Hekken» (Shvetsııa), «Farýl» (Rýmynııa), «Valmıera» (Latvııa), «Balkanı» (Kosovo), «Larn» (Soltústik Irlandııa), «Ýrartý» (Armenııa), «Hamrýn Spartans» (Malta), «Svıft» (Lıýksembýrg), «Strýga» (Soltústik Makedonııa) komandalary jáne aldyn ala irikteý satysynyń jeńimpazy bar.

UEFA Chempıondar lıgasy birinshi irikteý satysynyń oıyndary alǵashqy kezdesý 11/12 shilde, qarymta oıyndar 18/19 sáýir kúnderine belgilengen.

Eske salsaq, budan buryn 2024 jylǵy Eýropa chempıonatyna irikteý satysyndaǵy San-Marıno – Qazaqstan matchyn qaıdan kórýge bolatyny anyqtaldy.