Chempıondar lıgasy: «Astana» qarsylasynan 1:4 esebimen jeńilip jatyr
NUR-SULTAN. QazAqparat - UEFA Chempıondar lıgasy birinshi irikteý satysyndaǵy oıynnyń birinshi kezeńinde elordalyq «Astana» Belarýste «Dınamo» (Brest) komandasynan jeńilip jatyr, dep habarlaıdy QazAqparat tilshisi.
«Astana» kezdesýdi sátsiz bastady. Alǵashqy mınýttarda elordalyq klýbtyń basymdyǵy baıqalyp turǵan bolatyn. Alaıda jibergen qateligi saldarynan 16 mınýtta «Dınamo» oıynshysy Mıhaıl Gordeıchýk «Astana» qaqpasynan sańylaý taýyp ketti. Arada bir mınýt ótkende belarýstik fýtbolshy Kırıll Pechenın esepti ústemeleı tústi. Al 22-mınýtta alań ıeleri Mıhaıl Gordeıchýk ekinshi golyn soqty. Oıynnyń 37-mınýtta «Dınamo» sapynan Pavel Sedko mergendik tanytty. Esep 4:0. «Dınamo» alda tur. Oǵan 45-mınýtta «Astana» oıynshysy Marın Tomasov esep aıyrmasyn qysqartty. Osylaısha elordalyq klýb birinshi kezeńnen keıin 1:4 esebimen jeńilip jatyr.
Aıta keteıik, atalǵan kezdesýde jeńimpaz komanda jarystyń kelesi satysyna joldama alady. Jeńilgen ujym Eýropa lıgasy ekinshi irikteý satysynda baq synaıdy.
Esterińizge sala ketelik, jeńimpaz nebári bir ǵana oıynnyń nátıjesi boıynsha be lgili bolady. Bul - álemdegi koronavırýs ınfektsııasy jaǵdaıyna baılanysty qabyldanǵan sheshim.
