Chempıondar lıgasynyń negizgi kezeńine shyqqan «Qaırat» qansha tabys tapty

ASTANA. KAZINFORM — Almatylyq «Qaırat» jankúıerlerdi tańǵaldyryp, Chempıondar lıgasynyń negizgi kezeńine shyqty, dep habarlaıdy Sports.kz.

Іrikteý kezeńinde qazaqstandyq klýb Slovenııanyń «Olımpııa» komandasyn (eki oıyn qorytyndysy boıynsha — 3:1), Fınlıandııanyń KýPS klýbyn (3:2) jáne Slovakııanyń «Slovan» komandasyn (1:1, penaltı boıynsha — 4:3) jeńip shyqty, al pleı-off kezeńinde Shotlandııanyń ataqty «Seltık» komandasyn týrnırden shyǵardy (0:0, penaltı boıynsha — 3:2).

Chempıondar lıgasynyń toptyq kezeńine shyqqany úshin «Qaırat» 18,62 mıllıon eýro (11,6 mıllıard teńge) tabys tapty. Jalpy kezeńde jeńis úshin — 2,1 mıllıon eýro (1,3 mıllıard teńge), al teń oıyn úshin — 700 myń eýro (436 mıllıon teńge) syıaqy qarastyrylǵan.

Aıta keteıik, keshe Almatyda Chempıondar lıgasynyń pleı-off kezeńiniń jaýapty oıyny ótti. Onda almatylyqtar shotlandııalyq «Seltıkpen» kezdesip, qos oıynnyń qorytyndysy boıynsha alǵash ret óz tarıhynda Chempıondar lıgasynyń toptyq kezeńine joldama aldy.