Chempıondar lıgasy:«Qaırat» birinshi kezeńnen keıin «Sportıngten» jeńilip jatyr

ASTANA. KAZINFORM — Fýtboldan UEFA Chempıondar lıgasy negizgi kezeńindegi «Sportıng» (Portýgalııa) pen «Qaırat» kezdesýiniń birinshi kezeńi aıaqtaldy.

Kezdesý barysynda «Qaırat» sapynda alǵashqy mınýttan Qalmyrza, Mata, Kasabolat, Jorjıno, Sátpaev, Martynovıch, Arad, Tapalov, Mrynskıı, Gromyko, Sorokın qosyldy.
Onda qazaqstandyq qaqpashy Sherhan Qalmurza resmı túrde UEFA Chempıondar lıgasy tarıhyndaǵy eń jas qaqpashylar úzdigine endi. Ol dúnıege kelgenine 18 jas, 3 aı, 3 kún ótkende jasyl alańǵa shyǵyp otyr.

Birinshi kezeńde Sherhan ózine senimdi oıyn kórsetti. Oıynnyń 21-mınýtynda portgýlaııalyq klýbtan Morten ıÝlman tepken dopty keıin qaıtarsa, odan keıin de birneshe soqqyǵa tosqaýyl qoıdy.

Soǵan qaramastan «Sportıng» sapynan Fransıský Trınkan 44-mınýtta esep ashyp ketti.

Birinshi kezeńnen keıin almatylyq klýb qarsylasyna 0:1 esebimen ese jiberdi.

Almatylyq klýb bedeldi týrnırde «Real Madrıd» (Ispanııa), «Inter» (Italııa), «Arsenal» (Anglııa), «Brıýgge» (Belgııa), «Sportıng» (Portýgalııa), «Olımpıakos» (Grekııa), «Pafos» (Kıpr), «Kopengagen» (Danııa) klýbtarymen oınaıdy.

Qazaqstandyq komanda dop dodasynda barlyǵy 8 oıyn ótkizedi. Onyń 4-eýi óz alańynda bolsa, 4-eýi syrt alańǵa josparlanǵan.