Chempıondar lıgasy: «Slovan» men «Qaırat» kezdesýine tóreshiler belgilendi

ALMATY. KAZINFORM - UEFA Chempıondar lıgasy úshinshi irikteý kezeńindegi qazaqstandyq «Qaırattyń» syrt alańdaǵy Slovakııanyń «Slovan» komandasymen kezdesýinde qaı eldiń tóreshileri qyzmet atqaratyny belgili boldy.

Bul matchta Frantsııadan kelgen Benýa Bastenge bas tóreshi mindeti júktelgen. Oǵan otandastary Hısham Zakranı men Orelen Bertome kómektesedi. Tórtinshi tóreshi de sol eldiń ókili Tomas Leonard.

Kezdesý 12 tamyzdan 13-ne qaraǵan túni qazaqstandyq ýaqytpen saǵat 23:05-te bastalyp, «Qazsport» telearnasynan tikeleı efırde kórsetiledi.

Aıta ketsek, eki komanda arasyndaǵy alǵashqy kezdesýde «Qaırat» qarsylasynan 1:0 esebimen basym tústi. Jalǵyz goldy 90-mınýtta almatylyq klýbtan Dastan Sátpaev penaltıden soqty.

Eger «Qaırat» komandasynyń fýtboldan UEFA Chempıondar lıgasy úshinshi irikteý kezeńinen irkilmeı ótken jaǵdaıda pleı-off kezeńinde shotlandııalyq «Seltık» komandasymen oınaıdy.

Al Eýropa lıgasynyń pleı-off kezeńine túsken jaǵdaıda shveıtsarııalyq «ıAng Boız» klýbymen sheberlik baıqasýy múmkin.

Almatylyq fýtbolshylar birinshi jáne ekinshi irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0) qapy qaldyryp ketti.

Al slovakııalyq klýb ekinshi irikteý kezeńinde Bosnııa jáne Gertsogovınanyń «Zrınskı» komandasyn (4:0, 2:2) jeńdi.