Chempıondar lıgasy: «Real Madrıd» «Manchester Sıtıdi» iri eseppen jeńdi
ASTANA. KAZINFORM - UEFA Chempıondar lıgasy 1/8 fınalynyń alǵashqy týry máresine jetti.
Bul kúngi oıyndar arasynan jankúıerler «Real Madrıd» (Ispanııa) pen «Manchester Sıtı» (Anglııa) kezdesýine erekshe nazar aýdardy. Olardyń kókeıinde álemdegi eń tanymal eki klýb oıynynda kim jeńiske jetedi degen saýal turǵan edi.
Oıyn barysynda ıspanııalyq klýb sapynan Federıko Valverde 20, 27, 42-mınýtta úsh márte mergendigimen kózge túsip, het-trıktiń avtory atandy.
Osylaısha «Real Madrıd» qarsylasynan 3:0 esebimen basym tústi.
Oıyn nátıjesi
11 naýryz
«Parı Sen-Jermen» (Frantsııa) - «Chelsı» (Anglııa) 5:2
«Real Madrıd» (Ispanııa) - «Manchester Sıtı» (Anglııa) 3:0
«Býde-Glımt» (Norvegııa) - «Sportıng Lıssabon» (Portýgalııa) 3:0
«Baıer Leverkýzen» (Germanııa) - «Arsenal» (Anglııa) 1:1.
10 naýryz
«Atalanta» (Italııa) - «Bavarııa» (Germanııa) 1:6
«Atletıko Madrıd» (Ispanııa) - «Tottenhem Hotspýr» (Anglııa) 5:2
«Galatasaraı» (Túrkııa) - «Lıverpýl» (Anglııa) 1:0
«Nıýkasl» (Anglııa) - «Barselona» (Ispanııa) 1:1.
Endi 1/8 fınal oıyndary 10-11, 17-18 naýryz kúnderi ótkizilse, ¼ fınal 7-8, 14-15 sáýir kúnderine belgilengen.
Jartylaı fınal 28-29 sáýir jáne 5-6 mamyrda bolsa, fınal 30 mamyrda Vengrııa astanasy Býdapesht qalasyndaǵy «Pýshkash-Arena» stadıonynda ótkiziledi.
Pleı-off kezeńinde qarsylastaryn qapy qaldyrǵan «Nıýkasl ıÝnaıted», «Baıer Leverkýzen», «Atletıko Madrıd», «Býde-Glımt», «Galatasaraı», «Parı Sen-Jermen», «Real Madrıd», «Atalanta» komandalary jarystyń kelesi satysyna shyqty.
Al negizgi kezeńde úzdik segizdikke ilikken «Arsenal», «Bavarııa», «Lıverpýl», «Tottenhem Hotspýr», «Barselona», «Chelsı», «Sportıng», «Manchester Sıtı» klýbtary birden shırek fınalǵa joldama aldy.
Eske salsaq, budan buryn «Lıverpýl» syrt alańda «Galatasaraıǵa» ese jiberdi.