Chempıondar lıgasy: «Real Madrıd» Anglııada «Manchester Sıtıdi» jeńdi

ASTANA. KAZINFORM - UEFA Chempıoandar lıgasy pleı-off satysyndaǵy alǵashqy oıyndar ótti. 

Jankúıerler jarystyń atalǵan satysynda Anglııanyń «Manchester Sıtı» jáne Ispanııanyń «Real Madrıd» klýbtarynyń kezdesýine erekshe nazar aýdardy. Álemdik fýtbolda kópshilik olardyń oıyndaryna basa nazar aýdarady.

Kezdesý barysynda qos komanda jeńiske jetýge bar kúshin saldy. Oıynnyń alǵashqy kezeńinde anglııalyq fýtbolshylar kóbirek shabýyl jasady. Olardyń qatarynan Erlıng Holand 19-mınýtta mergendik tanytsa, oǵan Kılıan Mbappe 60-mınýtta bir golmen jaýap qaıyrdy.
Al 80-mınýtta Erlıng Holand penaltıden múlt ketken joq. Odan keıin «Real Madrıd» sapynan Braım Dıas 86, Djýd Bellıngem 92-mınýtta gol soǵyp, qorytyndy esep belgilendi.

Syrt alańda azýly qarsylasynan 3:2 esebimen basym túsken ıspanııalyq klýb jarystyń kelesi satysyna ótý múmkindigin jaqsartyp aldy.

Sondaı-aq Frantsııanyń «Brest» komandasy óz alańynda sol eldiń «Parı Sen-Jermen» komandasynan, portýgalııalyq «Sportıng» Germanııanyń «Borýssııa Dortmýndynan» 0:3 esebimen jeńilse, ıtalııalyq «ıÝventýs» nıderlandtyq PSV ujymynan 2:1 esebimen basym tústi.

Jarystyń atalǵan satasynda búgin, 12 aqpanda «Brıýgge» (Belgııa) men «Atalanta» (Italııa), «Seltık» (Shotlandııa) men «Bavarııa» (Germanııa), «Feıenoord» (Nıderland) pen «Mılan» (Italııa), «Monako» (Frantsııa) men «Benfıka» (Portýgalııa) kezdesedi.

Eske salsaq, budan buryn fýtboldan Qazaqstan quramasynyń 2026 jylǵy álem chempıonatynyń irikteý kezeńi qarsańynda ótetin oqý-jattyǵý jıynyna shaqyrtý alǵan oıynshylar belgili boldy.