Chempıondar lıgasy: «Ordabasy» «Petrokýbtan» jeńilip qaldy

ASTANA. KAZINFORM - Búgin qazaqstandyq «Ordabasy» fýtboldan Chempıondar lıgasy birinshi irikteý kezeńinde moldovalyq «Petrokýb» klýbymen qarymta kezdesý ótkizedi.

Eki komanda arasyndaǵy alǵashqy kezdesýde komandalar 0:0 esebine qanaǵat bildirgen edi.

Sondyqtan jarystyń kelesi satysyna shyǵý úshin árbir komanda jeńiske jetýge bar kúshin salatyny anyq edi. 

Oıyn bastalǵannan qos klýb shabýylǵa kóbirek kóńil bóldi. Dese de olar dittegen maqsatyna jete almaı jatty. Birinde qaqpashylar sheberlik tanytsa, endigi birinde shabýylshylar qaqpany dál kózdeı alǵan joq.

Oıynnyń 34-mınýtynda moldovalyq komandadan Teodor Lýngý qazaqstandyq klýbtyń qorǵaýshylarynyń óreskel qateligin paııdalanyp, alystan tepken doby qaqpa torynda týlap jatty.

Osylaısha «Ordabasy» qarsylasynan 0:1 esebimen jeńilip, Chempıondar lıgasynan shyǵyp qaldy. 

Aıta ketsek, endi 18 shildede Eýropa lıgasynda qostanaılyq «Tobyl» óz alańynda Slovakııanyń «Rýjomberok», Konferentsııa lıgasynda «Aqtóbe» syrt alańda Bosnııa jáne Gertsogovınanyń «Saraevo» komandalarymen qarymta kezdesý ótkizedi.

Al elordalyq «Astana» jarys jolyn Konferentsııa lıgasy ekinshi irikteý kezeńinen bastaıdy.