Chempıondar lıgasy: «Ordabasy» búgin «Petrokýbpen» qarymta kezdesý ótkizedi

ASTANA. KAZINFORM - Búgin qazaqstandyq «Ordabasy» fýtboldan Chempıondar lıgasy birinshi irikteý kezeńinde moldovalyq «Petrokýb» klýbymen qarymta kezdesý ótkizedi.

Oıyn qazaqstandyq ýaqytpen 22:00-de bastalyp, «Qazsport» telearnasynan tikeleı efırde kórsetiledi. Shymkenttik klýb byltyr el birinshiliginde birinshi ret chempıon atandy. Nátıjesinde bıyl alǵash ret Chempıondar lıgasynda baq synaýǵa múmkindik aldy.

«Petrokýb» komandasy 1999 jyly qurylǵan. Bul klýbta da óz elinde alǵash ret chempıondyq ataqty jeńip aldy.

Shymkent qalasynda ótken alǵashqy oıynda komandalar 0:0 esebine qanaǵat bildirdi. Atalǵan kezdesýde jeńiske jetken komandalar Chempıondar lıgasy ekinshi irikteý kezeńinde Kıprdiń APOEL komandasymen kezdesedi. Al jeńilgeni Eýropa lıgasy ekinshi irikteý kezeńinde synǵa túsedi.

Aıta ketsek, bıyl Eýropa lıgasynda qostanaılyq «Tobyl», Konferentsııa lıgasynda elordalyq «Astana» jáne «Aqtóbe» komandalary el namysyn qorǵaıdy.