Chempıondar lıgasy: «Qaırattyń» yqtımal qarsylastary belgili boldy
ASTANA. KAZINFORM – Almatylyq «Qaırat» komandasynyń fýtboldan UEFA Chempıondar lıgasy irikteý kezeńindegi yqtımal qarsylastary anyqtaldy.
UEFA koeffıtsıentiniń esepteýine sáıkes, birinshi irikteý kezeńinde elimizdiń ótken jylǵy chempıony «elengender» sebetine túsedi. Bul almatylyqtarǵa eń myqty qarsylastarmen kezdesýden tys qalýǵa múmkindik beredi.
Qazaqstandyq klýbtyń irikteýdiń birinshi kezeńinde kezdesýi yqtımal qarsylastarynyń qatarynda «Sabah» (Ázerbaıjan), «Levskı Sofııa» (Bolgarııa), «Kaýno Jalgırıs» (Lıtva), «ML Vıtebsk» (Belarýs), condaı-aq Lıýksembýrg, Andorra jáne Chernogorııa klýbtary bar.
Aıta ketsek, almatylyq klýb ótken maýsymda negizgi kezeńde Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4, Anglııanyń «Arsenalyna» 2:3 esebimen jol berse, Kıprdiń «Pafosymen» 0:0 esebimen teń tústi.
Eske salsaq, budan buryn «Tobyldyń» Konferentsııa lıgasyndaǵy yqtımal qarsylastary anyqtaldy.
Sondaı-aq Konferentsııa lıgasynda «Astana» jáne «Elimaıdyń» qaı komandalarmen kezdesýi múmkin ekeni belgili boldy.
