Chempıondar lıgasy: «Qaırattyń» ekinshi irikteý kezeńindegi qarsylasy anyqtaldy

ASTANA. KAZINFORM - Almatylyq «Qaırat» fýtbol komandasynyń UEFA Chempıondar lıgasy ekinshi irikteý kezeńindegi qarsylasy anyqtaldy.

Jarystyń atalǵan satysynda almatylyq komanda endi Fınlıandııanyń «KýPS» komandasymen sheberlik baıqasady. «Qaırat» alǵashqy oıynyn 22 shildede syrt alańda ótkizse, 29 shilde qarsylasyn Almatyda qabyldaıdy.

Aıta ketsek, qazaqstandyq klýb birinshi irikteý kezeńinde Slovenııanyń «Olımpııa» komandasyn (1:1, 2:0) qapy qaldyrdy.

Almatylyq klýb eýrokýbok oıyndaryna turaqty túrde qatysyp keledi. Degenmen sońǵy eki jylda baq synaǵan joq. 2022/23 jylǵy maýsymda Konferentsııa lıgasy ekinshi irikteý kezeńinde Vengrııanyń «Kıshvarda» (0:1, 0:1) komandasynan eki márte jeńilip qaldy.

Sondaı-aq bıyl qazaqstandyq «Aqtóbe» Eýropa lıgasy, «Ordabasy» jáne «Astana» Konferentsııa lıgasynda el namysyn qorǵaıdy.