Chempıondar lıgasy: «Qaırattyń» ekinshi irikteý kezeńindegi yqtımal qarsylasy anyqtaldy

Qazaqstandyq komanda birinshi irikteý kezeńinen irkilmeı ótken jaǵdaıda olar Kıprdiń «Omonııa» klýbymen sheberlik baıqasady.

Bul komandamen almatylyq komandanyń joly budan buryn 2021/2022 jylǵy maýsymda Konferentsııa lıgasy toptyq kezeńinde túıisken edi. Ol joly eki kezdesýde de 0:0 esebi tirkeldi. 

Aıta ketsek, almatylyq ujym jarystyń birinshi satysynda Chernogorııanyń «Sýteska» klýbymen kezdesedi.

Chempıondar lıgasynda alǵashqy kezeń 7-8 jáne 14-15 shilde kúnderi bolsa, ekinshi irikteý kezeńi 21-22 jáne 28-29 shilde kúnderine belgilengen.

Aıta ketsek, almatylyq klýb ótken maýsymda Chempıondar lıgasy negizgi kezeńinde Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4, Anglııanyń «Arsenalyna» 2:3 esebimen jol berse, Kıprdiń «Pafosymen» 0:0 esebimen teń tústi.

Sondaı-aq birden Konferentsııa lıgasy ekinshi irikteý kezeńin joldama alǵan qostanaılyq «Tobyl» alǵashqy qarsylasyn anyqtaıdy. 

Oǵan qosa Konferentsııa lıgasynyń eýrojoryqty birinshi irikteý kezeńinen bastaıtyn «Astana» jáne «Elimaıdyń» yqtımal qarsylastary naqtylanady. Alǵashqy irikteý kezeńinde «Astana» Albanııanyń «Dınamo Sıtı», semeılik «Elimaı» Armenııanyń «Alashkert» klýbtaryn jeńse, olar ekinshi irikteý kezeńinde jańa qarsylastaryn anyqtaıdy. 

Konferentsııa lıgasy ekinshi irikteý kezeńiniń jerebesi Qazaqstan ýaqytymen 17:00-ge josparlanǵan.