Chempıondar lıgasy: «Qaırattyń» alǵashqy kezeńdegi qarsylasy anyqtaldy

Qazaqstandyq komanda jarystyń bul satysynda Chernogorııanyń «Sýteska» klýbymen sheberlik baıqasady.

Chempıondar lıgasynda alǵashqy kezeń 7-8 jáne 14-15 shilde kúnderi bolady.

Aıta ketsek, almatylyq klýb ótken maýsymda negizgi kezeńde Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4, Anglııanyń «Arsenalyna» 2:3 esebimen jol berse, Kıprdiń «Pafosymen» 0:0 esebimen teń tústi.

Sondaı-aq semeılik «Elimaı» men elordalyq «Astana» búgin Konferentsııa lıgasy alǵashqy kezeńinde kimdermen kezdesetini belgili bolady. 

Semeılik klýbqa alǵashqy kezeńde yqtımal qarsylas retinde «Mılsamı» (Orheı, Moldova), «Jalgırıs» (Vılnıýs, Lıtva), «Zırıa» (Ázerbaıjan), «Alashkert» (Armenııa), BATE (Borısov, Belarýs) sanalady.

Al elordalyq komanda «Sıleks» (Kratovo, Makedonııa), «Dınamo Sıtı» (Tırana, Albanııa), «Vırtýs» (San-Marıno), «Mornar» (Bar, Chernogorııa), «Marsashlokk» (Malta) klýbtarymen jolyǵýy múmkin.

Qostanaılyq «Tobyl» eýrojoryǵyn Konferentsııa lıgasy ekinshi irikteý kezeńinen bastaıdy.