Chempıondar lıgasy: «Qaırat» syrt alańda «Seltıkpen» teń tústi

ASTANA. KAZINFORM - Almatylyq «Qaırat» fýtboldan UEFA Chempıondar lıgasy pleı-off kezeńinde syrt alańda shotlandııalyq «Seltık» komandasymen teń tústi.

Kezdesý barysynda shotlandııalyq komanda alǵashqy mınýttan tizgindi óz qolynda alýǵa tyrysty. Dese de oǵan qazaqstandyq komanda múmkindik bergen joq. Keıbir sátte qarsy shabýylǵa shyǵyp, gol soǵatyn múmkindikti izdedi. Osyndaı sáttiń birinde almatylyq klýbtan Jorjıno óz múmkindigin paıdalana almady. Almatylyq klýb sapynan jas fýtbolshy Dastan Sátpaevtyń belsendiligi anyq kórindi. 

Birinshi taım aıaqtalar tusta «Seltık» shabýyldy údete tústi. Bul sátte almatylyq komanda saýatty qorǵana bildi. 

Ekinshi kezeńde de shotlandlııalyq komandanyń belsendiligi baıqaldy. Soǵan qaramastan kózdegen maqsatyna jete almaı jatty. Oıynnyń 73-mınýtynda negizgi qaqpashy Aleksandr Zarýtskıı alǵan jaraqatyna baılanysty alańnan ketýge májbúr boldy. Ony Temirlan Anarbekov almastyrdy.

Osylaısha komandalar alǵashqy kezdesýde 0:0 esebine qanaǵat bildirdi. Endi qarymta oıyn 26 tamyzda Almaty qalasynda ótedi. 

Buǵan deıin «Qaırat» syrt alańda «Seltıkpen» oınaıtynyn jazǵan edik. 

Almatylyq fýtbolshylar atalǵan týrnırdiń alǵashqy úsh irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0), Slovakııanyń «Slovan» (1:0, 0:1, penaltıden 4:3) komandasyn qapy qaldyryp ketti.

«Seltık» eýrododadaǵy alǵashqy oıynyn pleı-off kezeńinen bastady.

Qazirge deıin «Seltık» komandasynyń eýrokýbok oıyndarynda óz alańynda qazaqstandyq klýbtardy úsh márte jeńgen edi. Aldymen 2013 jyly Chempıondar lıgasynda qaraǵandylyq «Shahterdi» 3:0, 2016 jyly elordalyq «Astanany» 2:1, 2017 jyly 5:0 esebimen jeńgen edi.