Chempıondar lıgasy: «Qaırat» syrt alańda «Interge» ese jiberdi

 ASTANA. KAZINFORM - Fýtboldan UEFA Chempıondar lıgasy negizgi kezeńiniń tórtinshi týrynda qazaqstandyq «Qaırat» Italııanyń «Inter» komandasyna ese jiberdi.

Alǵashqy mınýttan ıtalııalyq komanda tizgindi óz qolynda ustaýǵa tyrysty. Alań ıeleri Temirlan Anarbekov qorǵaǵan qaqpa mańynda jıi boı kórsetti. Dese de olar keıbir sátte kózdegen nysanadan múlt ketse, endi birinde qazaqstandyq qaqpashy syr bergen joq.

Oıyn barysynda negizinen ıtalııalyq komanda shabýyl jasady. Arasynda almatylyq klýb oıynshylary qarsy shabýylǵa shyqty. Olardyń qatarynan Dastan Sátpaevtyń belsendiligi baıqalyp turdy.

Oıynnyń 44-mınýtynda «Inter» sapynan argentınalyq shabýylshy Laýtaro Martınes gol soǵyp ketti. Al 56-mınýtta almatylyq klýb sapynan Ofrı Arad buryshtamadan áýeleı kóterilgen dopty baspen ıAn Zommer qorǵaǵan «Inter» qaqpasyna soǵyp ketti. Degenmen 67-mınýtta ıtalııalyq klýbtan Karlos Aýgýstonyń alystan tepken dobyna Temirlan Anarbekov tosqaýyl qoıa alǵan joq.

Osylaısha almatylyq komanda qarsylasyna 1:2 esebimen ese jiberdi.

Qazirge deıin ıtalııalyq klýb atalǵan týnırdegi úsh oıynda birde-bir márte óz qaqpasyna gol jibermegen edi. Aldymen Nıderlandtyń «Aıaksyn» 2:0 esebimen jeńse, odan keıin Chehııanyń «Slavııasyn» 3:0, Belgııanyń «ıÝnıon Sen-Jılýazyn» 4:0 esebimen tize búktirdi.

Al «Qaırat» Portýgalııanyń «Sportıngine» 1:4, Ispanııanyń «Real Madrıdine» 0:5 esebimen jol berse, Kıprdiń «Pafosymen» 0:0 esebimen teń tústi.

Endi almatylyq klýb aldaǵy oıynyn 26 qarashada syrt alańda Danııanyń «Kopengagen» komandasyna qarsy ótkizedi.