Chempıondar lıgasy: «Qaırat» shabýylshysy Jorjıno «Arsenal» qaqpasyna gol soqty

ASTANA. KAZINFORM - UEFA Chempıondar lıgasy negizgi kezeńiniń segizinshi týrynda qazaqstandyq «Qaırat» komandasy Anglııanyń «Arsenal» qaqpasyna gol soqty.

Oıynnyń 7-mınýtynda almatylyq klýbtyń shabýylshysy Jorjınony londondyq komanda qorǵaýshylary óz alańynda shalyp jyqty. Shveıtsarııalyq bas tóreshi Ýrs Shnıder «Arsenal» qaqpasyna penaltı belgiledi. Ony Jorjınonyń ózi múltiksiz oryndady.

Oǵan londondyq klýb sapynan Vıktor Dekeresh 2-mınýtta esep ashqan edi. Osylaısha tarazy basy teńesti. Esep 1:1.

Londondyq klýbtan Kaı Haverts 15-mınýtta gol soǵyp, óz komandasyn alǵa shyǵardy.

«Arsenal» sapynan búgin jaraqatyna baılanysty qorǵaýshylar Ýılıam Salıba men ıÝrrıen Tımberdiń aldaǵy kezdesýge qatysýdan tys qalyp otyr. Olardyń ornyn qosalqy quramnan jas fýtbolshylar basýy yqtımal.

Sondaı-aq búgin jankúıerler Mıkel Merıno men Deklan Raıstyń oıynyn tamashalaı almaıdy. Olar negizgi kezeńdegi jeti kezdesýde úsh márte sary qaǵaz alyp úlgergen edi.

Al «Qaırat» sapynan Dastan Sátpaev pen Azamat Tuıaqbaev jaraqatyna baılanysty komandamen Londonǵa kelgen joq.

Osyǵan deıin negizgi kezeńde «Qaırat» Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4 esebimen jol berse, Kıprdiń «Pafosymen» 0:0 esebimen teń tústi.