Chempıondar lıgasy: «Qaırat» — «Seltık» kezdesýinde kimder tóreshilik jasaıdy

ASTANA. KAZINFORM — Fýtboldan UEFA Chempıondar lıgasy pleı-off kezeńinde almatylyq «Qaırat» pen shotlandııalyq «Seltık» komandalarynyń qarymta kezdesýinde qaı eldiń tóreshileri qyzmet atqaratyny belgili boldy. 

Bul oıyn 26 tamyzda qazaqstandyq ýaqytpen 21:45–te bastalyp, «Qazsport» telearnasynan tikeleı efırde kórsetiledi.

Atalǵan oıynda ıalııalyq Maýrıtsıo Marıanı bastaǵan tóreshiler brıgadasy qyzmet atqarady. Oǵan otandastary Danıele Bındonı men Alberto Tegonı kómektesedi. Tórtinshi tóreshi de sol eldiń ókili Matteo Markettı.

Almatylyq fýtbolshylar atalǵan týrnırdiń alǵashqy úsh irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0), Slovakııanyń «Slovan» (1:0, 0:1, penaltıden 4:3) komandasyn qapy qaldyryp ketti.

«Seltık» eýrododadaǵy alǵashqy oıynyn pleı-off kezeńinen bastady.

Alǵashqy kezdesýde komandalar 0:0 esebine qanaǵat bildirgen edi.