Chempıondar lıgasy: «Qaırat» — «Real Madrıd» kezdesýinde kimder tóreshilik etedi

ASTANA. KAZINFORM — UEFA Chempıondar lıgasy negizgi kezeńi ekinshi týryndaǵy qazaqstandyq «Qaırat» (Almaty) jáne Ispanııanyń «Real Madrıd» (Ispanııa) komandalary arasyndaǵy kezdesýde qaı eldiń tóreshileri qyzmet atqaratyny belgili boldy.

Bas tóreshi mindeti ıtalııalyq Marko Gýıdaǵa júktelip otyr. Oǵan Djordjıo Perettı men Djýzeppe Perrottı kómektesedi. Tórtinshi tóreshi de sol eldiń ókili Sımone Sotstsa.
Kezdesý 30 qyrkúıek kúni saǵat 21:45–te Almatydaǵy Ortalyq stadıonda bastalyp, «Qazaqstan» jáne «Qazsport» telearnasynan tikeleı efırde kórsetiledi.

Aıta ketsek, 29 qyrkúıekte «Real Madrıd» Almaty qalasyna kelip jetti.

Bas bapker Havı Alonso bul kezdesýde tájirıbeli fýtbolshylarǵa senim artatynyn bildirdi. Olardyń qatarynda Tıbo Kýrtýa, Djýd Kılıan Mbappe, Bellıngem, Vınısıýs Jýnıor syndy juldyzdar bar.

Qaqpashylar: Tıbo Kýrtýa, Andreı Lýnın, Havı Navarro;
Qorǵaýshylar: Davıd Alaba, Raýl Asensıo, Alvaro Karreras, Fran Garsııa, Dın Heısen, Davıd Hımenes;

Jartylaı qorǵaýshylar: Djýd Bellıngem, Edýardý Kamavınga, Federıko Valverde, Orelen Chýamenı, Arda Gıýler, Danı Sebalos;
Shabýylshylar: Vınısıýs Jýnıor, Kılıan Mbappe, Endrık, Rodrıgo, Gonsalo Garsııa, Braım Dıas, Franko Mastantýono.

Alǵashqy týrda almatylyq klýb syrt alańda «Sportıng» (Portýgalııa) komandasyna 1:4 esebimen jol berdi.

Almatylyq klýb endi «Real Madrıd» (Ispanııa), «Inter» (Italııa), «Arsenal» (Anglııa), «Brıýgge» (Belgııa), «Olımpıakos» (Grekııa), «Pafos» (Kıpr), «Kopengagen» (Danııa) klýbtarymen oınaıdy.

Negizgi kezeńde barlyǵy 36 komanda synǵa túsedi. Birinshi týr bıyl 16 qyrkúıekte bastalsa, segizinshi týr 2026 jyldyń 28 qańtarynda bolady. Al pleı-off 16-18 aqpan, 1/8 fınal 10-11 naýryz, ¼ fınal 7-8 sáýir, ½ fınal 28-29 sáýir, fınal 30 mamyrǵa belgilengen.