Chempıondar lıgasy: «Qaırat» - «Real Madrıd» kezdesýi qaı telearnadan kórsetiledi

ASTANA. KAZINFORM - UEFA Chempıondar lıgasy negizgi kezeńi 2-týryndaǵy qazaqstandyq «Qaırat» pen Ispanııanyń «Real Madrıd» oıyny qazaqstandyq qaı telearnadan kórsetiletini belgili boldy.

Kezdesý 30 qyrkúıek kúni saǵat 21:45-te Almatydaǵy Ortalyq stadıonda bastalyp, «Qazaqstan» jáne «Qazsport» telearnasynan tikeleı efırde kórstiledi.

Alǵashqy týrda almatylyq klýb syrt alańda «Sportıng» (Portýgalııa) komandasyna 1:4 esebimen jol berdi.

Almatylyq klýb endi «Real Madrıd» (Ispanııa), «Inter» (Italııa), «Arsenal» (Anglııa), «Brıýgge» (Belgııa), «Olımpıakos» (Grekııa), «Pafos» (Kıpr), «Kopengagen» (Danııa) klýbtarymen oınaıdy.

Negizgi kezeńde barlyǵy 36 komanda synǵa túsedi. Birinshi týr bıyl 16 qyrkúıekte bastalsa, segizinshi týr 2026 jyldyń 28 qańtarynda bolady. Al pleı-off 16-18 aqpan, 1/8 fınal 10-11 naýryz, ¼ fınal 7-8 sáýir, ½ fınal 28-29 sáýir, fınal 30 mamyrǵa belgilengen.

Jarys erejesine sáıkes 1-8 oryn alǵan komandalar birden 1/8 fınalǵa joldama alady. Al 9-24 oryn alǵan klýbtar 1/16 fınalda synǵa túsip, jarystyń kelesi satysyna shyǵady. Qalǵan komandalar eýrododadaǵy jarys jolyn aıaqtaıdy.