Chempıondar lıgasy: «Qaırat» pen «Seltık» kezdesýiniń qashan bastalatyny belgili boldy

ASTANA. KAZINFORM — Almatylyq «Qaırattyń» fýtboldan UEFA Chempıondar lıgasy pleı-off kezeńindegi óz alańynda ótetin shotlandııalyq «Seltık» komandasymen kezdesýi qashan bastalatyny belgili boldy. 

Bul oıyn 26 tamyzda qazaqstandyq ýaqytpen 21:45–te bastalyp, «Qazsport» telearnasynan tikeleı efırde kórsetiledi.

Alǵashqy kezdesýde komandalar 0:0 esebine qanaǵat bildirgen edi.

Almatylyq fýtbolshylar atalǵan týrnırdiń alǵashqy úsh irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0), Slovakııanyń «Slovan» (1:0, 0:1, penaltıden 4:3) komandasyn qapy qaldyryp ketti.

«Seltık» eýrododadaǵy alǵashqy oıynyn pleı-off kezeńinen bastady.

Shotlandııalyq klýb 1887 jyly qurylǵan. Sodan bergi kezeńde óz elinde 55 márte chempıon atanyp, 42 márte Shotlandııa kýbogyna ıe boldy. 1967 jyly Eýropa chempıondar kýbogyn tóbesine kóterdi.

Qazirge deıin «Seltık» komandasynyń eýrokýbok oıyndarynda qazaqstandyq klýbtarmen úsh márte joly túıisti.

Aldymen 2013 jyly Chempıondar lıgasy pleı-off kezeńinde qaraǵandylyq «Shahterdi» (0:2, 3:0) orta jolda qaldyryp, toptyq kezeńge joldama aldy.

Al elordalyq «Astanany»2016 jyly Chempıondar lıgasy úshinshi irikteý kezeńinde (1:1, 2:1), 2017 jyly pleı-off kezeńinde (5:0, 3:4) esebimen qapy qaldyrdy.