Chempıondar lıgasy: «Qaırat» pen «Palma» quramyn jarııalady

ASTANA. KAZINFORM - Qazaqstandyq «Qaırat» pen Ispanııanyń «Palma» komandalary fýtzaldan Chempıondar lıgasy fınalyna shyǵatyn quramyn jarııalady.

«Qaırat»: Dennıs, Edson, Tursaǵulov, Orazov, Arreta. Serikov, Rashıt, Dener, Zanotto, Kaıo Rýıs, Otanıa, Gege, Mendes, Alısson.

«Palma»: Mıýller, Rıvılos, Negıno, Fabıno, Marselo. Barbıerı, Barron, Gomes, Penıa, Ernesto, Gordılo, Mashado, Mateýs Maııa, Sharýto.

Oıyn Qazaqstan ýaqytymen 22:50-de bastalyp, «Qazsport» telearnasynan tikeleı efırde kórsetiledi.

Qazirge deıin qarsylastar eki márte kezdesti. Chempıondar lıgasy toptyq kezeńinde 2022 jyly alǵashqy oıynda 2:2 esebimen teń tússe, 2023 jyly ıspanııalyq komanda 4:3 esebimen jeńiske jetti. Ol joly óz tobynda «Palma» birinshi oryn alsa, «Qaırat» úshinshi orynǵa turaqtady. Ekeýi de jarystyń kelesi satysyna shyqty.

Almatylyq komanda buǵan deıin bul týrnırde 20 márte baq synap úlgerdi. Bul jóninen Eýropa qurlyǵyndaǵy klýbtar arasynda absolıýtti rekordty tirkedi. Olar 2012/13, 2014/15 jylǵy maýsymda Chempıondar lıgasynda jeńis tuǵyryna kóterilgen.

Al «Palma» atalǵan týrnırde 2022/23, 2023/24 jyldary jeńimpaz boldy.