Chempıondar lıgasy: «Qaırat» óz alańyndaǵy eki oıyndy Astanada ótkizýi múmkin

ASTANA. KAZINFORM — Almatylyq «Qaırat» UEFA Chempıondar lıgasy negizgi kezeńinde óz alańynda ótetin eki oıynyn ózge qalaǵa aýystyrý múmkindigin qarastyrady.

Bul jóninde almatylyq klýbtyń baqylaý keńesiniń tóraǵasy Qaırat Boranbaev Nursultan Qurmannyń podkastynda aıtyp berdi.

Onyń aıtýynsha, klýb jeltoqsan jáne qańtar aıynda ótetin eki oıynyn Astana qalasynda ótkizý jóninde UEFA -ǵa usynys joldaǵan. 

— Qazir oǵan qatysty jaýap kútip otyrmyz. Sebebi qarapaıym. Jeltoqsan men qańtarda Almatyda óte sýyq aýa raıy tirkeledi, jasyl alań da oǵan daıyn bolmaıdy. Biz osyndaı usynysymyzdy jetkizdik. Eger aýa raıy qalypty jaǵdaıda bolsa, Almatyda ótkizý múmkindigin qarastyramyz, - dedi Q.Boranbaev.

UEFA ruqsat bergen jaǵdaıda almatylyq klýb óz alańyndaǵy oıyndarynda qarsylastaryn «Astana Arenada» qabyldaıdy. Aldymen 9 jeltoqsanda grekııalyq «Olımpıakospen» kezdesse, odan keıin 20 qańtarda belgııalyq «Brıýggemen» oınaıdy.

Qazirge deıin «Qaırat» óz alańynda Ispanııanyń «Real Madrıd» klýbyna 0:5 esebimen jol berse, taǵy bir kezdesýde Kıprdiń «Pafosymen» 0:0 esebimen teń tústi.

Al syrt alańda Portýgalııanyń «Sportıngine» 1:4 esebimen jol berdi.

Sondaı-aq olar 5 jeltoqsanda syrt alańda Italııanyń «Interimen» jasyl alańǵa shyqsa, 28 qańtarda Anglııanyń «Arsenalymen» sheberlik baıqasady.