Chempıondar lıgasy: «Qaırat» «KýPS» komandasynyń osal tusyn taba ala ma

ASTANA. KAZINFORM - Almatylyq «Qaırat» fýtbol komandasy UEFA Chempıondar lıgasy ekinshi irikteý kezeńinde búgin Fınlıandııanyń «KýPS» komandasymen kezdesedi.

Kezdesý búgin qazaqstandyq ýaqytpen 20:00-de bastalyp, «Qazsport» telearnasynan tikeleı efırde kórsetiledi. Bul oıyn búgin, 22 shildede Slovenııada ótkizilse, qarymta oıyn Almatyda 29 shildege belgilengen.

«KýPS» komandasy 1923 jyly qurylǵan. Óz elinde veıkkaýslıgasynda jeti márte chempıon atandy. Byltyr jeńis tuǵyryna kóterlgen olar bıyl Chempıondar lıgasynda baq synaýǵa múmkindik aldy.

Bıyl Chempıondar lıgasy birinshi irikteý kezeńinde olar Moldovanyń «Mılsamı» klýbyn eki oıynnyń nátıjesimen (0:0, 1:0) orta jolda qaldyrdy.

Al birinshi irikteý kezeńinde almatylyq komanda eki oıynnyń nátıjesimen Slovenııanyń «Qlımpııasyn» (1:1, 2:0) esebimen jeńdi.

Eýrokýbok oıyndaryna turaqty túrde qatysyp keledi. 2021/22 jylǵy maýsymda Konferentsııa lıgasy pleı-off satysyna deıin jetti. Sol jyly úshinshi irikteý kezeńinde olar elordalyq «Astanany» eki oıynnyń nátıjesimen (1:1, 3:4) qapy qaldyrǵan edi.

Almatylyq klýb eýrokýbok oıyndaryna turaqty túrde qatysyp keledi. Degenmen sońǵy eki jylda baq synaǵan joq. 2022/23 jylǵy maýsymda Konferentsııa lıgasy ekinshi irikteý kezeńinde Vengrııanyń «Kıshvarda» (0:1, 0:1) komandasynan eki márte jeńilip qaldy.