Chempıondar lıgasy: «Qaırat» «KýPS» komandasyna ese jiberdi

ASTANA. KAZINFORM — Almatylyq «Qaırat» fýtbol komandasy UEFA Chempıondar lıgasy ekinshi irikteý kezeńinde búgin Fınlıandııanyń «KýPS» komandasymen kezdesti.

Oıyn eki komandanyń alma-kezek shabýylymen ótti. Keıbir sátte fýtbolshylarǵa dáldik jetpeı jatty. Nátıjesinde birinshi kezeńde tablodaǵy esepke ózgeris engen joq.

Ekinshi kezeńde fınlıandııalyq qaqpashylar birden qaqpaǵa lap qoıdy. Oıynnyń 49-mınýtynda Mohamed Týre «Qaırat» qaqpasynan sańylaý tapsa, ıAakko Oksanen 71-mınýtta basymdyqty arttyrdy. 

Kezdesýde almatylyq klýb qarsylasyna 0:2 esebimen ese jiberdi. 
Qarymta kezdesý 29 shilde kúni ótkiziledi.

Jarystyń Chempıondar lıgasy ekinshi irikteý kezeńinde «KýPS» komandasyn qapy qaldyrǵan jaǵdaıda jarystyń odan keıingi satysynda «Slovan» (Slovakııa) men «Zrınskı» (Bosnııa jáne Gertsogovına) jubynyń jeńimpazymen kezdesedi.

Al almatylyq komanda Chempıondar lıgasy ekinshi irikteý kezeńinde ese jibergen jaǵdaıda Eýropa lıgasy úshinshi irikteý kezeńinde RFSh (Latvııa) men «Malme» (Shvetsııa) jubynyń jeńilgen komandasymen kezdesedi.

Al birinshi irikteý kezeńinde almatylyq komanda eki oıynnyń nátıjesimen Slovenııanyń «Qlımpııasyn» (1:1, 2:0) esebimen jeńdi.