Chempıondar lıgasy: «Qaırat» fýtzal komandasy «Kartahenamen» kezdesedi

ASTANA. KAZINFORM – Almatylyq «Qaırat» fýtzaldan Chempıondar lıgasy tórttigi fınalynda búgin Ispanııanyń «Kartahena» komandasymen kezdesý ótkizedi. 

Oıyn Qazaqstan ýaqytymen 20:50-de bastalyp, «Qazsport» telearnasynan tikeleı efırde kórsetiledi. 

Almatylyq komanda buǵan deıin bul týrnırde 20 márte baq synap úlgerdi. Bul jóninen Eýropa qurlyǵyndaǵy komandalar arasynda absolıýtti rekordty tirkedi.
Olar 2012/13, 2014/15 jylǵy maýsymda Chempıondar lıgasynda jeńis tuǵyryna kóterilgen.

Eske salsaq, budan buryn olar Horvatııa astanasy Zagreb qalasynda Chempıondar lıgasynyń elıtalyq kezeńinde horvatııalyq «Fýtzal Dınamony» 5:1, «Olmıssýmdy» 1:0. slovakııalyq «Mımel Lýchenetsti» 4:2 esebimen tize búktirdi.

Sondaı-aq búgin taǵy bir jartylaı fınalda «Palma» (Ispanııa) men «Sportıng» (Portýgalııa) oınaıdy.

Bas bapker Marlon Velasko tómendegi shákirtterine senim artty. Qaqpa Dennıs pen Narýn Serikovke senip tapsyryldy. Al oıynshylar qatarynda Arnold Knaýb, Edson, Jahangır Rashıt, Dener, Zanotto, Dáýren Tursaǵulov, Birjan Orazov, Kaıo Rýız, Otanıa, Kevın Arrıeta, Gege, Vendel da Sılva Mendes, Alısson bar.

Buǵan deıin fýtzaldan Chempıondar lıgasynyń tórttik fınalyndaǵy «Qaırattyń» qarsylasy anyqtalǵanyn habarlaǵan edik.