Chempıondar lıgasy: «Qaırat» ekinshi irikteý kezeńine shyqty

ASTANA. KAZINFORM - Almatylyq «Qaırat» fýtbol komandasy UEFA Chempıondar lıgasy birinshi irikteý kezeńinde búgin Slovenııanyń «Olımpııa» komandasymen qarymta oıyn ótkizdi.

Eki komanda arasyndaǵy birinshi kezdesýde qarsylastar 1:1 esebine qanaǵat bildirip tarasqan edi. Sondyqtan jeńimpaz búgingi oıynda anyqtalatyn.

Alǵashqy mınýttan qarsylastar bir-biriniń qaqpasy mańynda jıi shabýyl uıymdastyrdy. 

Nátıjesinde 5-mınýtta «Qaırat» sapynan Jorjıno mergendik tanytty. 

Al 31-mınýtta ol áriptesi Aleksandr Mrynskııge golǵa aınalǵan pas shyǵaryp berdi. Birinshi kezeń almatylyq klýbtyń basymdyǵymen aıaqtaldy. 

«Olımpııa» komandasy 1945 jyly qurylǵan. Qazirge deıin óz elinde segiz márte chempıon atandy. Eýrokýbok oıyndaryna alǵash ret 1966 jyly qatysty. Sońǵy ret 2020/2021 jylǵy maýsymda eýropa lıgasy ekinshi irikteý kezeńine deıin jetti.

Bul jupta jeńimpaz atanǵan komanda ekinshi irikteý kezeńinde «KýPS» (Fınlıandııa) men «Mılsamı» (Moldova) jubynyń jeńimpazymen oınaıdy. 

Almatylyq klýb eýrokýbok oıyndaryna turaqty túrde qatysyp keledi. Degenmen sońǵy eki jylda baq synaǵan joq. 2022/23 jylǵy maýsymda Konferentsııa lıgasy ekinshi irikteý kezeńinde

Vengrııanyń «Kıshvarda» (0:1, 0:1) komandasynan eki márte jeńilip qaldy.