Chempıondar lıgasy: «Qaırat» búgin «Sýteskamen» qarymta oıyn ótkizedi

Bul kezdesý Qazaqstan ýaqytymen 23:50–de «Qazaqstan» telearnasynan tikeleı efırde kórsetiledi.

UEFA Chempıondar lıgasy birinshi irikteý kezeńinde shildeniń 15-nen 16-na qaraǵan túni almatylyq «Qaırat» syrt alańda Chernogorııanyń «Sýteska» komandasymen kezdesedi. Bul oıynda bas tóreshi mindetin polshalyq Voıtseh Mytsqa júktelgen. Oǵan otandastary Bartosh Heınıg pen Martsın Lısovskı kómektesedi. Tórtinshi tóreshi Patrık Grıtskevıch (Polsha).

Alǵashqy oıynda almatylyq «Qaırat» qarsylasynan 2:1 esebimen basym túsken edi. 

Qazaqstandyq jankúıerler olardyń 2018/2019 jylǵy maýsymda elordalyq «Astanamen» kezdeskenin jaqsy biledi. Bul joly olar eki kezdesýde 0; 1, 0:2 esebimen jeńilip, jarys jolyn alǵashqy kezeńde aıaqtady. Komanda sapynda sol ýaqytta oınaǵan 36-jastaǵy qaqpashy Vladane Gılene bar. Qalǵan fýtbolshylar óz klýbtarǵa aýysty nemese mansabyn aıaqtap úlgerdi.

«Sýteska» óz elinde 2012/13, 2013/14, 2017/18, 2018/19, 2021/22, 2025/26 jylǵy maýsymda alty márte chempıon atanyp úlgerdi. Sondaı-aq olardyń enshisinde kúmis jáne qola júldeler bar.

Chernogorııa birinshiliginde «Sýteska» bıyl joǵary nátıjesimen este qaldy. Olar 36 týrda qarsylastar qaqpasyna 61 gol engizdi. Keıbir qarsylastaryn iri eseppen jeńdi. Degenmen komanda segiz márte jeńilistiń aşy dámin tatyp úlgerdi. Bul klýb sapynda jartylaı qorǵaýshy Vasılıı Chavor on gol soǵyp, úzdik surmergen atandy.

Sondaı-aq 16 shilde kúni qazaqstandyq «Astana» men «Elimaı» (Semeı) UEFA Konfrentsııa lıgasy birinshi irikteý kezeńinde qarymta oıyndaryn ótkizedi.