Chempıondar lıgasy: «Qaırat» búgin «Seltıkpen» alǵashqy oıynyn ótkizedi

ASTANA. KAZINFORM - Búgin fýtboldan UEFA Chempıondar lıgasy pleı-off kezeńinde almatylyq «Qaırat» pen shotlandııalyq «Seltık» kezdesýi ótedi.

Bul kezdesý 20 tamyzdan 21-ne qaraǵan túni saǵat 00:00-de «Seltık Park» stadıonynda bastalyp, «Qazsport» telearnasynan tikeleı efırde kórsetiledi.

Almatylyq fýtbolshylar atalǵan týrnırdiń alǵashqy úsh irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0), Slovakııanyń «Slovan» (1:0, 0:1, penaltıden 4:3) komandasyn qapy qaldyryp ketti.

«Seltık» eýrododadaǵy alǵashqy oıynyn pleı-off kezeńinen bastaıdy.

Bul oıynda bas tóreshi mindeti norvegııalyq Espen Eskosqa júktelgen. Oǵan otandastary ıAn-Erık Engan men Anders-Olav Dale kómektesedi. Tórtinshi tóreshi norvegııalyq Marıýs Hansen-Gretta.

Shotlandııalyq klýb 1887 jyly qurylǵan. Sodan bergi kezeńde óz elinde 55 márte chempıon atanyp, 42 márte Shotlandııa kýbogyna ıe boldy. 1967 jyly Eýropa chempıondar kýbogyn tóbesine kóterdi.

Qazirge deıin «Seltık» komandasynyń eýrokýbok oıyndarynda qazaqstandyq klýbtarmen úsh márte joly túıisti.

Aldymen 2013 jyly Chempıondar lıgasy pleı-off kezeńinde qaraǵandylyq «Shahterdi» (0:2, 3:0) orta jolda qaldyryp, toptyq kezeńge joldama aldy.

Al elordalyq «Astanany»2016 jyly Chempıondar lıgasy úshinshi irikteý kezeńinde (1:1, 2:1), 2017 jyly pleı-off kezeńinde (5:0, 3:4) esebimen qapy qaldyrdy.