Chempıondar lıgasy: «Qaırat» búgin «Levskımen» qarymta oıyn ótkizedi
ASTANA. KAZINFORM — Qazaqstandyq «Qaırat» (Almaty) UEFA Chempıondar lıgasy úshinshi irikteý kezeńinde «Levskı» (Sofııa, Bolgarııa) komandasymen qarymta oıynyn ótkizedi. Kezdesý búgin Qazaqstan ýaqytymen 20:00–de bastalyp, «Qazsport» telearnasynan tikeleı efırde kórsetiledi.
Bul oıynda Danıel Zıbert bastaǵan germanııalyq tóreshiler brıgadasy qyzmet atqarady. Oǵan otandastary ıAn Zaıdel men Rafael Foltın kómektesedi. Tórtinshi tóreshi — Maks Býrda, bas tóreshiniń beıneqataılaý kómekshisi Krıstıan Dıngert bolsa, oǵan assıstent qyzmetin Iohann Pfaıfer atqarady.
Alǵashqy kezdesýde bolgarııalyq komanda 1:0 esebimen basym tústi.
Qazirge deıin almatylyq komanda alǵashqy eki irikteý kezeńinde Chernogorııanyń «Sýteska» klýbynan (2:1, 2:0), Chernogorııanyń Kıprdiń «Omonııa» (1:0, 0:1, penaltıden 6:5) klýbtaryn qapy qaldyrǵan edi.
Pleı-off kezeńine shyqqan jaǵdaıda almatylyq ujym Grekııanyń AEK klýbymen kezdesýi múmkin. Bul oıyndar 18-19, 25-26 tamyz kúnderine belgilengen.
Almatylyq ujym Chempıondar lıgasynda qarsylasynan jeńilgen jaǵdaıda Eýropa lıgasy pleı-off kezeńinde synǵa túsýge múmkindik alady. Onda olar PAOK (Grekııa) — «Anderleht» (Belgııa) jubynyń jeńimpazymen oınaıdy.
Aıta ketsek, almatylyq klýb ótken maýsymda Chempıondar lıgasynyń negizgi kezeńinde Portýgalııanyń «Sportıng» (1:4), Ispanııanyń «Real Madrıd» (0:5), Italııanyń «Inter» (1:2), Grekııanyń «Olımpıakos» (0:1), Danııanyń «Kopengagen»(2:3), Belgııanyń «Brıýgge» (1:4), Anglııanyń «Arsenal» (2:3) klýbytaryna jol berse, Kıprdiń «Pafosymen» 0:0 esebimen teń túsken edi.
