Chempıondar lıgasy: «Qaırat» búgin «KýPS» komandasynan qarymta qaıtara ala ma

ASTANA. KAZINFORM — Almatylyq «Qaırat» fýtbol komandasy UEFA Chempıondar lıgasy ekinshi irikteý kezeńinde búgin Fınlıandııanyń «KýPS» komandasymen qarymta kezdesý ótkizedi.

Kezdesý búgin qazaqstandyq ýaqytpen 20:00–de bastalyp, «Qazsport» telearnasynan tikeleı efırde kórsetiledi. 

Alǵashqy oıynda almatylyq klýb atalǵan qarsylasyna 0:2 esebimen jol berip qoıdy. 

«KýPS» komandasy 1923 jyly qurylǵan. Óz elinde veıkkaýslıgasynda jeti márte chempıon atandy. Byltyr jeńis tuǵyryna kóterlgen olar bıyl Chempıondar lıgasynda baq synaýǵa múmkindik aldy.

Bıyl Chempıondar lıgasy birinshi irikteý kezeńinde olar Moldovanyń «Mılsamı» klýbyn eki oıynnyń nátıjesimen (0:0, 1:0) orta jolda qaldyrdy.

Eýrokýbok oıyndaryna turaqty túrde qatysyp keledi. 2021/22 jylǵy maýsymda Konferentsııa lıgasy pleı-off satysyna deıin jetti. Sol jyly úshinshi irikteý kezeńinde olar elordalyq «Astanany» eki oıynnyń nátıjesimen (1:1, 3:4) qapy qaldyrǵan edi.
Al birinshi irikteý kezeńinde almatylyq komanda eki oıynnyń nátıjesimen Slovenııanyń «Qlımpııasyn» (1:1, 2:0) esebimen jeńdi.

Sondaı-aq elimizdiń atynan «Astana» men «Aqtóbe» Konferentsııa lıgasy ekinshi irikteý kezeńindegi qarymta oıyndaryn ótkizedi.