Chempıondar lıgasy: «Qaırat» búgin Almatyda «Sýteskamen» kezdesedi
ASTANA. KAZINFORM - Búgin fýtboldan UEFA Chepıondar lıgasy birinshi irikteý kezeńinde almatylyq «Qaırat» óz alańynda Chernogorııanyń «Sýteska» komandasyn qabyldaıdy.
Bul kezdesý Qazaqstan ýaqytymen 20:00-de Almaty qalasyndaǵy «Ortalyq stadıonda» bastalyp, «Qazsport» telearnasynan tikeleı efırde kórsetiledi.
Chernogorııalyq klýb alǵash ret 1927 jyly qurylǵan. Komanda ıÝgoslavııanyń birinshi lıgasynda alǵash ret 1964 jyly oıyn kórsetti. Olar joǵary lıgada baq synaýǵa múmkindik alǵan chernogorııalyq eki klýbtyń biri sanalady. Nátıjesinde «Sýteska» halyqaralyq bedelge ıe boldy jáne Eýropada jaqsy kórsetkishimen kózge túse bastady. Osynyń nátıjesinde olar Chernogorııa men Nıkshıchte úzdik sporttyq qoǵam retinde erekshelendi.
ıÝgoslavııa taraǵannan keıin «Sýteska» ıÝgoslavııa Respýblıkasy joǵary lıgada oıyn kórsetýin jalǵastyrdy. Sondaı-aq olar eýrokýbok oıyndarynyń turaqty qatysýshy retinde erekshelenedi.
Qazaqstandyq jankúıerler olardyń 2018/2019 jylǵy maýsymda elordalyq «Astanamen» kezdeskenin jaqsy biledi. Bul joly olar eki kezdesýde 0;1, 0:2 esebimen jeńilip, jarys jolyn alǵashqy kezeńde aıaqtady. Komanda sapynda sol ýaqytta oınaǵan 36-jastaǵy qaqpashy Vladane Gılene bar. Qalǵan fýtbolshylar óz klýbtarǵa aýysty nemese mansabyn aıaqtap úlgerdi.
Qazaqstandyq komanda birinshi irikteý kezeńinen irkilmeı ótken jaǵdaıda olar Kıprdiń «Omonııa» klýbymen sheberlik baıqasady.
Bul komandamen almatylyq komandanyń joly budan buryn 2021/2022 jylǵy maýsymda Konferentsııa lıgasy toptyq kezeńinde túıisken edi. Ol joly eki kezdesýde de 0:0 esebi tirkeldi.
Aıta ketsek, almatylyq klýb ótken maýsymda Chempıondar lıgasy negizgi kezeńinde Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4, Anglııanyń «Arsenalyna» 2:3 esebimen jol berse, Kıprdiń «Pafosymen» 0:0 esebimen teń tústi.
Aıta ketsek, Konferentsııa lıgasyndaǵy oıyndaryn «Astana» jáne «Elimaı» birinshi irikteý kezeńinen bastaıdy. Alǵashqy irikteý kezeńinde «Astana» Albanııanyń «Dınamo Sıtı», semeılik «Elimaı» Armenııanyń «Alashkert» klýbtarymen sheberlik aıqasady.
Al qostanaılyq «Tobyl» eýrokýbok oıyndaryn Konferentsııa lıgasy ekinshi irikteý kezeńinen bastaıdy.
