Chempıondar lıgasy: «Qaırat» birinshi kezeńnen keıin «Real Madrıdten» jeńilip jatyr

  ASTANA. KAZINFORM — UEFA Chempıondar lıgasy negizgi kezeńi ekinshi týryndaǵy qazaqstandyq «Qaırat» (Almaty) jáne Ispanııanyń «Real Madrıd» (Ispanııa) kezdesýiniń birinshi kezeńi aıaqtaldy.

Alǵashqy mınýtta almatylyq klýb alǵa qaraı umtyldy. Osyndaı sáttiń birinde shabýylshy Dastan Sátpaevtyń baspen urǵan doby madrıdtik klýb qaqpashysy Tıbo Kýrtýanyń qolynan tabyldy. Almatylyq klýb odan keıin de «Real Madrıd» qaqpasy mańynan jıi boı kórsetti. Degenmen dittegen maqsatyna jete alǵan joq.

Ispanııalyq klýb oıyn barysynda tizgindi qolǵa alýǵa tyrysty. Osyndaı sátterdiń birinde «Qaırat» oıynshylary óz aıyp alańynda tártip buzdy. Oıynnyń 26-mınýtynda Kılıan Mbappe almatylyq klýb qaqpasyna belgilengen penaltıden múlt ketken joq. 

Osylaısha birinshi kezeń 1:0 esebimen «Real Madrıdtiń» basymdyǵymen aıaqtaldy.
Qazirge deıin almatylyq klýb birinshi týrda Portýgalııanyń «Sportıng» (Lıssabon) komandasyna 1:4 esebimen ese jiberdi. Endi olar bedeldi týrnırde «Real Madrıd» (Ispanııa), «Inter» (Italııa), «Arsenal» (Anglııa), «Brıýgge» (Belgııa), «Olımpıakos» (Grekııa), «Pafos» (Kıpr), «Kopengagen» (Danııa) klýbtarymen oınaıdy.

Elimizdiń atynan týrnırde almatylyq «Qaırat» synǵa túsip jatyr. Qazaqstandyq komanda dop dodasynda barlyǵy 8 oıyn ótkizedi. Onyń 4-eýi óz alańynda bolsa, 4-eýi syrt alańǵa josparlanǵan.