Fýtzaldan Chempıondar lıgasy: «Qaırat» «Benfıkaǵa» ese jiberdi

«Qaırat» fýtzal komandasy búgin Chempıondar lıgasy elıtalyq satysyndaǵy ekinshi oıynyn Portýgalııanyń «Benfıka» komandasyna qarsy ótkizdi, dep habarlaıdy Kazinform.

Qazaqstandyq komanda Kosovonyń Prıshtına qalasynda V tobynda synǵa túsedi. Qarsylastary - «Benfıka» (Portýgalııa), «Dobovets» (Slovenııa) men «Prıshtına» (Kosovo).

Elıta satysynda árbir topta jeńimpaz bolǵan komandalar «Tórteýdiń fınaly» satysyna joldama alady.

Oǵan basty úmitker retinde qos komanda atalyp otyr.

Búgingi kezdesýdi portýgalııalyq komanda sátti bastady. Oıynnyń 5 jáne 6-mınýtynda olar eki gol soǵyp ketti.

Oǵan 8-mınýtta «Qaırat» oıynshysy Dáýren Tursaǵulov bir golmen jaýap qaıyrdy.

Esesine 12-mınýtta almatylyq klýb óz qaqpasyna taǵy bir gol jiberip alsa, olardyń qatarynan Dener 36-mınýtta mergendik tanytty.

Osylaısha almatylyq klýb qarsylasyna 2:3 esebimen jeńilip qaldy.

Endi qazaqstandyq klýb 2 jeltoqsanda Slovakııanyń «Dobovets» klýbymen oınaıdy.

Eske salsaq, budan buryn «Qaırat» «Prıshtına» komandasyn iri eseppen jeńgen.

Qazaqstandyq komanda Chempıondar lıgasynda bıyl qańtar aıynda 20 márte baq synady. Bul Eýropa qurlyǵyndaǵy komandalar arasynda absolıýtti rekordty tirkedi.

Sondaı-aq, almatylyq klýb 2012/2013, 2014/2015 jyldarda atalǵan týrnırde jeńimpaz atanǵan edi.