Chempıondar lıgasy: «Qaırat» «Arsenalmen» oıyndy ótkizý úshin Londonǵa jetti
ASTANA. KAZINFORM – Qazaqstandyq «Qaırat» fýtbol klýby ÝEFA Chempıondar lıgasynyń jalpy kezeńi segizinshi týryndaǵy Anglııanyń «Arsenal» komandasymen kezdesýge London qalasyna jetti. Bul jóninde komandanyń baspasóz qyzmeti málim etti.
Almatylyq fýtbolshylar búgin London qalasyndaǵy «Emıréıts» stadıonynda alǵashqy oqý-jattyǵý sharasyn ótkizedi. Bul kezdesý 28 qańtarda Qazaqstan ýaqytymen 1:00-de bastalady.
«Qaırattyń» jeti týrdan keıin nebári bir upaıy bar. Týrnır kestesinde kósh sońynda keledi. Bul kezdesý almatylyq klýb sapynda Dastan Sátpaev, Azamat Tuıaqbaev, Oljas Baıbek sekildi fýtbolshylar qatysa almaıdy.
Osyǵan deıin negizgi kezeńde «Qaırat» Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4 esebimen jol berse, Kıprdiń «Pafosymen» 0:0 esebimen teń tústi.
Esesine týrnır kestesinde «Arsenal» jeti týrda birde-bir upaı joǵaltpaı, 21 upaımen kósh basynda keledi.
Aǵylshyndyq komanda jarys barysynda Ispanııanyń «Atletık Bılbao» (2:0), Grekııanyń «Olımpıakos» (2:0), Ispanııanyń «Atletıko Madrıd» (4:0), Chehııanyń «Slavııa» (3:0), Germanııanyń «Bavarııa» (3:1), Belgııanyń «Brıýgge» (3:0), Italııanyń «Inter» (3:1) klýbtarynan basym tústi.