Chempıondar lıgasy: «Qaırat» 3 golmen úshinshi irikteý kezeńine shyqty
ALMATY. KAZINFORM – Almatylyq «Qaırat» fýtbol komandasy UEFA Chempıondar lıgasy ekinshi irikteý kezeńinde Fınlıandııanyń KýPS komandasyn jeńip, jarystyń úshinshi kezeńine joldama aldy.
Almatylyq komanda bıyl eýrokýbok oıyndarynyń birinde negizgi kezeńde baq synaýdy aldyna maqsat etip otyr. Sondyqtan olar ázirge Chempıondar lıgasynda sátti óner kórsetýge kúsh salyp keledi. Dese de qazaqstandyq komanda fınlıandııalyq klýbpen alǵashqy kezdesýinde 0:2 esebimen jol bergen edi.
Atalǵan jeńilisten keıin qazaqstandyq jankúıerler kókeıinde «almatylyq klýb qarymta qaıtara ala ma?» degen saýal boldy. Osyndaı jaýapkershilikti sezingen «Qaırat» komandasy alǵashqy mınýttan shabylǵa lap qoıdy. Osylaısha almatylyq klýb sapynan 9-mınýtta Dastan Sátpaev esep ashsa, Jorjıno 29, Valerıı Gromyko 44-mınýtta mergendik tanytty.
Ekinshi kezeńde fınlıandııalyq komanda tarazy basyn teńestirýge umtyldy. Degenmen qonaqtar maqsatyna jete alǵan joq. Osylaısha «Qaırat» qarsylasynan 3:0 esebimen basym túsip, atalǵan týrnırdiń úshinshi irikteý kezeńine shyqty.
Jarystyń atalǵan satysynda qazaqstandyq klýb «Slovan» (Slovakııa) — «Zrınskı» (Bosnııa jáne Gertsogovına) jubynyń jeńimpazymen kezdesedi.
Al birinshi irikteý kezeńinde almatylyq komanda eki oıynnyń nátıjesimen Slovenııanyń «Qlımpııasyn» (1:1, 2:0) esebimen jeńdi. Sondaı-aq elimizdiń atynan «Astana» men «Aqtóbe» Konferentsııa lıgasy ekinshi irikteý kezeńindegi qarymta oıyndaryn ótkizedi.