Chempıondar lıgasy: Búgin «Barselona» men «Inter» oınaıdy

ASTANA. KAZINFORM - Búgin, 30 sáýirde UEFA Chempıondar lıgasy jartylaı fınalyndaǵy ekinshi oıyn ótedi.

Bul kezdesýde «Barselona» (Ispanııa) men «Inter» (Itadııa) sheberlik baıqasady. 

Oıyn Qazaqstan ýaqytymen 23:50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 10 márte kezdesti. Onyń 5-de ıspanııalyq klýb basym tússe, taǵy 3 márte teń túsin, qalǵanynda ıtalııalyq klýb úsh upaı oljalap ketti.

«Barselona» sapynda qorǵaýshy Aleks Balde, jartylaı qorǵaýshy Mark Bernal, Mark Kasado, shabýylshy Robert Levandovskı jaraqatyna baılanysty búgin komandasyna kómektese almaıdy.

Al «Inter» qatarynda qorǵaýshy Benjamen Pavar men jartylaı qorǵaýshy Valentın Karbonı jasyl alańǵa shyqpaıdy. 

Eki komanda 6 mamyrda qarymta oıyn ótkizedi.

Eske salsaq, budan buryn jartylaı fınaldaǵy alǵashqy kezdesýde anglııalyq «Arsenal» Frantsııanyń «Parı Sen-Jermenine» 0:1 esebimen jol berdi.

Fınal 31 mamyrda Germanııanyń Mıýnhen qalasyndaǵy «Mıýnhen arena» stadıonynda bolady.