Chempıondar lıgasy: Búgin «Arsenal» men «Parı Sen-Jermen» kezdesedi

ASTANA. KAZINFORM - Búgin UEFA Chempıondar lıgasy jartylaı fınalynda alǵashqy oıyn ótkiziledi.

Atalǵan kezdesýde «Arsenal» (Anglııa) men «Parı Sen-Jermen» (Frantsııa) sheberlik baıqasady.

Oıyn Qazaqstan ýaqytymen 23:50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin tórt márte kezdesti. Onyń ekýinde anglııalyq klýb jeńiske jetse, qalǵanyna teń nátıje tirkeldi. 

2024 jyldyń 1 qazanynda Chempıondar lıgasy jalpy kezeńiniń ekinshi týrynda «Arsenal» atalǵan qarsylasynan 2:0 esebimen basym túsken edi. 

Búgingi oıynda anglııalyq klýb sapynda bes fýtbolshy jaraqatyna baılanysty alańǵa shyǵa almaıdy. Olardyń qatarynda Gabrıel Jezýs, Tahehıro Tomııasý, Kaı Haverts, Gabrıel Magalıaıns, Rıkkardo Kalaforı bar.

Sondaı-aq budan burynǵy oıyndarda tártip buzýyna baılanysty Toas Partı búgin anglııalyq klýbqa kómektese almaıdy.

Al «Parı Sen-Jermen» sapynda barlyq fýtbolshylar aldaǵy oıynǵa tolyq daıyn. 

Jarystyń atalǵan satysynda erteń, 30 sáýirde «Inter» (Italııa) men «Barselona» (Ispanııa) sheberlik baıqasady. 

Eske salsaq, fýtboldan Qazaqstan quramasy maýsym aıynda Belarýspen joldastyq kezdesý ótkizedi.